ليش هالحركات ؟؟

السلام عليكم

محتاره بشي .. من تزوجت مالقيت له حل

خوات زوجي .. احسهم ينفرون مني

مدري شالسالفه ..؟؟

الحين بالمطبخ .. اذا كانو موجودين ودخلت اساعدهم يسكتون وكل وحده تخلص شغلها وتطلع

وااذا انا كنت موجودة قبل مايدخلون .. يشوفوني ويطلعون :confused::confused:

بكل مناسبه .. اقعد معهم مايتكلمون .. من اقوم يسولفون ويضحكون ..

برى البيت !! داخل البيت !!

يسولفون بالصاله اطيير ابي اسولف معهم يسكتون

يحسسوني اني ثقيلة دم وانا متطفله

اذا دخلت غرفة وحده من البنات .. و وطلعت يسكرون الباب بقوه .. :eek: بعد ما اطلع

اقعد بالصاله لحالي .. بالساعات
ويتجمعون بغرفه ويسكرون الباب

لكن متى تنقلب الامور .. اذا احتاجوني

فجأه كلام حلو .. وابتسامات بوجهي ..

اسافر .. اشتري لهم كلهم هداياا

يسافرون ماشوف شي .. يشترون لبعض بس

احس بضيق من تصرفاتهم وابكي

بس ماعرف ايش اسوي

وارجع اسوي نفس الشي

انا عايشه معهم بنفس البيت بغرفه وحده

ماعندي حمام خاص تكرمون ماعندي تلفزيون

وزوجي ساعات دوامه طوووووويله

اغلب الوقت لحالي

الحمدلله على كل حال

ابي افهم ليش يسوون هالحركات ؟؟؟

ولو انتو بمكاني ايش تسوون ؟؟

انا اليوم مادخلت المطبخ .. خلاص زهقت وانا احس اني نكره