ليش يتزوج الرجال مرة ثانيه؟؟ والله سؤال قاااااااااهرني واجي جوابه منكن ...بلييييييييز

الي اعرفه ان اي رجال يحب يتزوج وهذي فطرة عندهم

يعني يبي اكثر من واحده

مثلا اخواني الواحد توه متزوج ويفكر يتزوج

واعمارهم اقل من ثلاثين ومتزوجين اثنين وثلاث

وحرام زوجاتهم صغار وعيالهم صغار ومع ذلك يتزوجون

ولايهتمون بمشاعر احد

أنا بقول لك ليش

لأن الحريم مثل الفواكه بالنسبة للرجل يحب ينوع ! مو كل يوم موز يوم ياكل فراولة ويوم مانجا >>>>> شكلي بتكفخ

وأجمل متعة للرجل هي هذه لوما ربي محنن قلوبهم علينا ..

وعلى فكرة ما يتزوج غير المتهني بحياته واللا اللي مسوده عيشته ما انخبل يجيب له وحش ثاني خخخخخخخخخ

القصد ’’’اللي مكتوب لك بتشوفينه لا تكثرين تفكير ..

شوفي لا تفكرين كثير لن اقل سبب ممكن يقال

الله حللي اربع

صحيح قهر بس هذا اتفه سب والي فقير بس يصير غني
والي غني يبي عيال وعزوه اكثر

والي مومتفاهم مع زوجته

اسباب كثيره

شوفي ..
الله سبحانه وتعالى له حكمه في هالشيء :
وانا بظرب امثله من اللي شفته :
1- رجل يتزوج لأن شهوته لا تكفي لمراة واحدة فقط .. ولو ماتزوج ممكن يذهب للزنا والعياذ بالله .
2- رجل مغتني وعنده المال ماتخلى حتى عن الصدقات ..و مايعرف وين يحط فلوسه وبدل مايحطها في الحرام .. تزوج وانجب العيال وصار يصرف عليهم ..
3- رجل تعرف على ناس طيبين ومعروف عنهم اهل ايمان وخير وفزعات ولهم من البنات والبنين .. حاب انه ينتسب لهم .. اخذ من بناتهم ..
4- رجل زوجته لا تنجب .. يخاف الله فيها ومايبغى يطلقها .. تزوج غيرها حتى تنجب له الأبناء ..
5- رجل تزوج وحده يحبها .. والحمدلله حياتهم ماشيه لكن طلع عنده بنت عمه ماتزوجت في الأخير اهله ينشبون له ياولد اذا تبغى ترضينا تزوج بنت عمك واسترها ومن ثم يروح يتزوجها ..
6- رجل تزوج لكن مرته مهما حاول يأدبها ويسنعها مازال هو وياها في خلافات .. وانجب منها عيال ويخاف الله فيها .. قال بتزوج غيرها واخليها بذمتي ..
وووووووو الخ

مايحق للرجال انه يتزوج :) ..؟؟
الله سبحانه فرض العدل .. هذي كلها لا بأس فيها .. لكن وين اللي بيعدل بين الزوجات ..
يعني لو مافي عدل بتجلس الزواجات هذي بذمته ليوم القيامه ..
بيجلس يقول حلل لي الله اربع .. عادي على العين والراس وهذا كلام الله مافيه خلاف.. لكن هل انت بتعدل يارجال ..؟؟ هنا يجي السؤال .,

فالإنسانه اللي تخاف من التعدد .. انا اقولها ..
تجملي في عين زوجك وكوني ظله وين مايكون واذا طلب شي دلليه كانك ملاكه واحسني في اهله واكرميهم واسألي عنهم ..
لأن هو اذا يوم من اليام نسيك اهله ماراح ينسونك وبيوقفون معك :)
وترى الرجل فيه غريزه كالطفل .. مايقدر يتخلى عن حنانك واحضانك اذا بادلتيه الشعور وتحملتيه ..
لكن في مايرضي الله سبحانه وتعالى وهو ساعتها يحترمك ويعرف قدرك وماحيسمح لأحد حتى يتكلم فيك ..

اسأل الله تعالى ان يهدي قلوب ازواج المسلمات لهن وان يهدي قلوبهن لرجالهن .. وان ينصر كل مظلومه ويعيد سعادة كل مطلقه ويصبر وعين كل ارمله ..

دعواتكم لخالتي ان يرزقها الله بالبنين عاجلا غير آجل وان يحنن قلب زوجها لها وان يهديه لها ويهديها له ويبعد عنهم كل حاسد ..

انا بقولك بتكلملك عن ناس قريبين مني حيل بس ماراح احدد ..

1-الرجل يتزوج عشانه مو مرتاح مع زوجته من ناحية التفاهم ..
2-يتزوج بنت عمه عشان يسترها ..
3-يتزوج الرجل بسبب تكثير النسل ..