ليـــــــــــش الرجــــــــــــال قليـــــــــــــل خاتمــــة ؟؟ والمرأة تضحي عشانه ؟

بصراحه من كثر القصص الي اقراها بالمنتدى تعقدت ؟؟ وكرهت الزواج وصرت احس كل الرجال خونه ؟؟


ليش الرجال قليل خاتمه ؟؟

بقولكم هالقصه الي جننتي وحصلت لزميلة اختي بالعمل .

تقول ان زوجها يحبها ويموت فيها وبينهم عيال وكل طلباتها مجابه خدم وسواق وحتى رابتها مايخذ منه ولا ريال واحد وسعيدين بحياتهم

مرت السنين وفجأة اراد الله لهذه البنت انها تصاب بمرض اللوكيميا ( سرطان الدم )

انهارت وتعبت وجلست اسبوع متردده تخبر احد وبالاخير قالت لزوجها الي التزم الصمت ولا نطق ولا حرف

تقول طلب مني اروح اريح اعصابي عند اهلي وماكنت ادري بعد اسبوع ارسل لها ورقة طلاقها بالثلاث وارسل لها رسالة يقول ( فلانه انا احبك بس ماعندي استعداد اعيش تجربة الم معاك والله يكون بعونك )

صدمه مابعدها صدمه بعز مصيبتها وبدل مايوقف جنبها ويواسيها طلقها بالثلاث وتخلى عنها وكأنها مسئولة عن الشي الي صابها ؟؟

لاكن هي بنت مؤمنه بقضاء الله وقدره وايمانها بأن الي ابتلاها بيوقف معها ..

اخذوها اخوانها الله يجزاهم كل خير لمكه تعتمر وتدعي ربها وتصلي وتشرب من مويه زمزم جلست عشرة ايام في مكه وراحت للخارج تتعالج

جلست سنة كاملة تتعالج وخلال فترة علاجها تدعي وتطلب رحمه الله وتكثر من قرأة القران وسورة البقرة والاستغفار تقول كان كلي امل بالله ومرتاحه نفسيا لأن الله قدر لي هذى الشيء وماقدر اعترض عليه

الي اقدر اني اتسبب واعالج وادعي ربي يرحمني والي يجي منه انا راضية فيه..

بعد سنة الله برحمته تلاقها وكتبلها البرء التااااااااااااااااااااااااااااااااام من المرض الاطباء الاجانب منهبلين منها يقولون انتي اول حاله نعالجها وتشفى شفاء تاااااااااااام وكأنك لم تصبي بالمرض ؟؟ خلاص علاجك عندنا انتهى ماتحتاجين اي شيء ؟؟


طاروا فيها اخوانها من الفرحه لمكه وكلهم اخذو عمره ويشكرون ربهم ويحمدونه الي منَ عليهم بعافية اختهم وعطاها على نياتها وأسعد قلبها ووفرح عيالها برجعتها ..

المصيبة الحين قليل الخاتمه طليقها بكل وجه عريض راجع وهو متزوج وحده غيرها لعند اخوانها ..

يقول ابي ارجع زوجتي ؟؟؟؟ هزأوه وطردوه وهي معهم بعد ماتخليت عنها بمحنتها بكل عرض وجه تقول برجعها بعد ماتعافت ؟؟


...............................

والجهه الثانية ليش المرأة تضحي عشان الرجال ؟؟


هذى حرمه تقربلنا عمرها 34 سنة يعني بعز شبابها وانوثتها صار على زوجها حادث وصار مايقدر يمشي الا على عصى ولا يقدر يلمسها او ينام معها ...

ايش سوت صبرت وجلست معاه وصارتله زي الممرضه تخدمه تغسله وتحممه وتحلقله وكل شي تسويه له حتى الطلعات ماعاد تطلع اعتزلت الناس وجلست جنبه لخدمته ؟؟

وايش يقابلها فيه بدل مايقدرها ويحترمها يهزأها ويناديها ياعجوز ويعيرها بأهلها وكل شيء يقوله لها وهي صابره تقول حالته النفسية تعبانه خلووه ؟؟


ليش التضحي على واحد مايستاهل وتحرم نفسها من سعادة الدنيا ومن العيال وتدفن نفسها مع واحد مايقدر ؟؟


ليش حنا قلوبنا ضعيفة ونحس بتأنيب الضمير اذا فكرنا بسعادتنا والرجال ماعنده مشكله يرمي زووجته بأول مشكله ولا بأي ظرف ؟؟


ليـــــــــــــــش بجد كرهت الزواج ؟؟؟:(