ليله ايقضتنى من سبات عميق

كان ذلك بعد ان تناولت السحور مع زوجى وذهب الى الصلاه وقال لي لاتنامين علشان ودى اسولف معك انتطرته ولما جاء لقا رقم جوال اخوه الصغير داق عليه كلم عليه ولقاه مع واحد وقال مو جوال بدر قال المتصل وش تقرب له قال اخوه قال بدر بالعنايه وحالته خطيره لازم تجى اول مره اشوف زوجى خايف كذا بدر كم مره دخل العنايه بسبب حوادث ماخاف كذا راح يركض ونا حطيت راسي على المخدة وقلت انشاء الله مافيه الا العافيه طبعا بدر ولد عمى وخو زوجى وبمثابه اخوى الصغير لاننا حنا وعيال عمى متربين مع بعض المهم وبحدود الساعه 6 دق على اخوى الصغير وقال وين بدر قلت بالعنايه قال عموما ابوى جايكم طبعا ابوى بالقصيم وحنا بالرياض قلت وشوله جاى قال علشان يقول لعمي عن بدر قلت معقوله ابوي يجي من القصيم علشان يقول لعمى انه بالعنايه ودق على زوجى وقوله بشرنى عن بدر قال بدر مات وسكر السماعه انا في ذيك اللحزه مادري وش اسوى تجمدت في مكانى ثم رحت وتوضيت وصليت حسيت كانى في ثلاجه كلشي بارد تغظيت بس مافيه فايدة قعدت ارجف تمنيت احد عندى دقيت علىاختى لقيتها متقظعه من الصياح واخوانى مايردون حسيت انى ابموت في ذيك اللحزه صابني خوووووووووووووووووووووووف انعادت قدامى ذكريات الصيف عشنا بالصيف احلى ايامنا كنا نجهز لزواج اخوي عيلتنا وعايله عمى وخططنا وفعلا طلع زواج غير لدرجة ان الي يشوفونا مع بعض يقولو خوات وعيال عمي بعد واقفين مع اخوانى واقفه من ضمنهم بدر وكان الله يرحمه خلق واخلاق كان جميل مرررررررررررررررررررررره وكان كاشخ ذيك الليله ولبس مسدس وكان نجم الحفل واللكل يسال عنه عشنا ذيك الايام ايام حلوه وستاجرنا استراحتين بجنب بعض لكن عيون الناس حسبي الله عليهم طيرت منا بدر

بكيت على نفسي بكاء شديد يالله كنا غافلين انا وبنات عمي الى هم خوات بدر مانروح لمناسبه الابحدث موضه قصير ولا بنظلون ولا عاري كنا معرفين على مستوى جمعتنا بلبسنا الله يتوب علينا وذا احد نصحنا استحقرناه لكن موتت بدر بمثابه الصفعه القويه لنا فتحت دولابي لقيته كله عاري وقصير وضيق طب لو كنت مكان بدر وش يصير مصيري مادرى ابكى عليك يابدر ولا على نفسي من المواقف اللي صارت بالعزاء منا جالسين مع الحريم بالصاله انا وحمواتى ثنتين دخل علينا زوجى يقول وين ام بدر ابي ابشرها حنا حسبناه يقول ان بدر رجع فكلنا رحنا نركض له وكنت بالمقدمه حماتى الكبيره فوقفنا قدامه كنا تقريبا ست او سبع قلنا وش فيه انا اتحراه يقول بدر مامات ودوره وراه قال اخذ عمره قبل ليموت ايقنت في ذيك اللحزه انه مات اغمى علي وبعد ماصحيت بكيت بكاء مرير

خواتى حبيت اكتب لكم بعض من تفاصيل وفاة بدر اولا حتى تدعون له بالرحمه وثانيا حتى تتعضو فهو عمره واحد وعشرين صغير من منا تضمن لى الان انها ستعيش للغد صدقونى ليلتها جاينى واخذ منى فلوس علشان يتسحر هو وصدقاه وكان يقول لامه الراتب هذا بشتريلك جوال وخواته واعدهن يطلعن احسن البنات العيد هذا علشانه مستلم مكافاه من الدوام راتبين الله يرحمه مالحق يصرفه مات قبله بيوم


خواتى ادعو لبدر برحمه وان يوسع الله له في قبره