السلام عليكم ورحمة الله وبركاته
من بديت اكتب الموضوع وانا فيني ماغص خوف نفس الماغص اللي يجيني لما اشوف مستشفى الولاده
يابنات انا لاحظت اكثر مواضيع القسم هذا تحريض ولاده وطلق صناعي ولما رحت المستشفى اكثر الحالات تحريض ولاده وطلق صناعي :mad:
علشان خاطر حوامل التاسع بقولكم قصتي انا طال عمركم بولدي الاخير سنة 2007 قالت لي الدكتوره انتي اخرتي مره والبيبي كبير والمشيميه تكلست يعني صارت عجوزه والمويه صارت قليله بااي وقت ممكن تنفصل عن الجنين
ولازم تحريض ولاده وكورسات تحاميل قلت اوكي بتنوم ونبدا
تنومت وبدينا كل ست ساعات نص تحميله .. بعدها صارت المنطقه نار من غير الماغص والطلق الحار
ولاحظو معاي اربع حالات وانا الخامسه كلنا نفس الشي تحريض ولاده
خلصت كورس كامل على مااعتقد 8 تحاميل الرحم مو راضي ولابنص والالم نفسه طلق متواصل واحس ببرد وكل ماجاء زوجي زياره قال هانت كلها ساعه والبيبي جنبك وانا اقول له نفسي تجرب طلقه وحده علشان تعرف تتفلسف اقولك اسسسسسسسسسسسكت لاتتكلم :icon33:
طبعا محد يدري عني حتى امي ماتعرف الا اخر يومين عرفت وجت المستشفى وياليتها ماجت
كانت الدكتوره حقتي كل شوي تمر علي وتفحص وتحرك عنق الرحم وانا احس يدها بدماغي على بالها بتسوي تحريض للعنق وهي الله اعلم انها رايحه لـ آذن الجنين
المهم صرت مااعرف اجلس على كرسي الحمام الله يكرمك احس اني مااقدر كل المنطقه شاده والم وتعب وصار ينزل دم مني
بعدها رحت للدكتوره المناوبه قالت لازم اكشف ولما كشفت صرخت قالت انتي لازم بسرعه مضاد مغذي عنق الرحم متجرح وذايب وخايفين ينزف وانتي ماولدتي ولازم يتوقف كل الفحص والتحاميل
وطبعا اتصلت على الاستشاري رئيس الاطباء واكتبت تقرير وان الدكتوره ام مخ معوق كثفت التحاميل
المهم صار تحقيق مع الدكتوره الخبله وجتني ثاني يوم تقول
:44:
متى شفتي آخر دوره
قلت هذي اقتلها او اصفقها او اشق جيبي
وطلعت تحت مسئوليتي وانا رجل بالشرق ورجل بالغرب
وبعد اسبوعين جاني طلق ربي طبيعي ولاعلمت زوجي جلست اتحمل ببيتي ولما رحت المستشفى ساعتين بس وولدت
ياربي لك الحمد
يابنات لاتستعجلون والله امهاتنا وجداتنا ماكانو يعرفون التحريض ولا الصناعي انتبهو لاتخربون ارحامكم بااستعجال الاطباء
والله يقوم كل حامل بالسلامه
عبير الورده @aabyr_alordh
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
الحمدلله على سلامتك