ليه الرجال خونه الا من رحم ربي!!

بنات والله ما ادري من وين ابدا

تعبت من زوجي وتصرفاته
انا صار لي سنه ونص متزوجه وزوجي الحمدلله تعامله معاي كويس ولكن الي يسويه من وراي شي ثاني
يعني مثلا كان على علاقه بوحده من قبل زواجنا وقبل ما يعرفني وظل يكلمها بعد زواجنا واكتشفت هذا الشي بالصدفه وصارت مشاكل على هالموضوع
طبعا وعدني انه ما راح يكلمها ابدا وما وفى بوعده.. الي اكتشفته انها هي مو مخليته في حاله وبصراحه انا ما ادري ايش كان مدى العلاقه هذي!!! .
والشغله الثانيه الي جنني فيها سالفه النت لوج .. طبعا هذا موقع للتعارف والصداقات واكتشفت انه يسولف مع بنات فيه رسايل مو شات
وانقهرت منه وسويت له ساااااالفه طويله عريضه وقلت له يا انا يا النت لوج
قام ومسح بروفايله
هو كااااان تعامله معاي كوييييييس حيل .. يعني لو اني ما دريت عن الي يسويه كان ظل في نظري احسن زوج في العالم
المهم بعد ما مسح البروفايل ظل يومين تعامله معاي غيييير
يعني ما يعطيني وجه.. ما يهاوش ولا يعصب .. بس يعاملني ببرود .. وانا ابدا ما تحملت هالتغيير
يعني قبل ما يمسحه كان احسن
واقوله شفيك ليه تعاملني كذا يقول ما فيني شي ويسوي روحه ولا كانه زعلان !! بصراحه تعبت نفسيتي حيل ورضخت للامر الواقع وقلت له اذا السالفه عشان النت لوج رجعه ولا تعاملني بهالقسوة والجفاف.. وفعلا رجعه بعد ما مسح كل البنات الي فيه بس انا متاكده انه ظل يسولف مع البنات بالرسايل بدون ما يضيفهم

ومرت السنه الاولى من الزواج وانا في هم وغم ما يعلم فيه الا الله
وضليت اتجسس على تلفونه ولابتوبه قد ما اقدر (ادري هالشي حرام الله يسامحني بس) احس اني ادمنت ادور ورااه
وان شفت شي ضايقني انقلبت حياتي غم

المهم عقب ما مرت سنه على زواجنا سافرنا للدراسه بالخارج
والحمدلله لاحظت عليه بعض التغيرات الايجابيه مثل بطل يدخل النت لوج
البنت الي كان يكلمها ظلت ترسله على النت عطني تلفونك ولا تخليني ومن هالكلام وهو الحمدلله قطع علاقته فيها نهائي (الله يتمم عليه)
صار لي الان 8 شهور بالغربه والحمدلله تحسن كثير
بس انا ظليت متاثره بالماضي ونفسيتي تعبت
والى الان افتش وراه
اليوم لقيت وحده ضايفته بالفيس بوك برضو جايه تدرس بنفس ديرتنا بس بمدينه ثانيه وهي مو متزوجه
قام ارسلها يشرفني انك اضفتيني وتكونين صديقه
كان الكلام عادي جدا يعني يقولها انا جاي عشان ادرس التخصص الفلاني ومن هالكلام
بس انا مت من القهر
قمت مسحتها من القائمه الي عنده ومسحت اي شي يتعلق فيها وسويت لها حضر


بنات والله تعبت انا كان طموحي اخذ واحد ملتزم يخاف الله
الحين انا حامل بالثامن

ودي اعرف ليه في رجال كذ؟ا هل مشكلتي نادره؟؟
بنات انا ما عرفت غيره وحبيته بكل ما فيني وهو يقول انه يحبني وتعامله معاي ممتاز

طيب اذا يحبني ليه هالتصرفات!!!

ابي احد يواسيني ويهون علي