ليييييه ؟ لمتى ؟

سلام بنات

انا اليوم كاتبة هالموضوع لفئة من الحريم ( اللي تجهض جنينها بأرادتها ، اللي تجهض جنينها باهمالها لانها مكتفيه وماتبيه وجاء بوقت غلط مايناسب خططها 🚫 ! ، او تبكي وتنوح عشانها حامل ببنت ) !!
باختصار هالمواضيع السابقة كثرت بشكل يوجع القلب والله الحريم اللي سبق ذكرهم ما تمرمطوا بتأخير الحمل واتوقع كل وحده متأخرة سنين عارفة المرمطة الي نعيشها من فحوصات وسونار داخلي وادوية تتعب النفسية والجسد في سبيل الضنى غير المبالغ الهائلة اللي نصرفها عشان العمليات والتجهيز لها ومع علمكم ندفع 20 الف اقل شي قيمة عملية ماندري تنجح او تفشل غير الابر اللي توجع بس عشان ريحة طفل وغير انك تتكشفين عند الدكاترة وحملك ماهو بغرفة نومك حملك بمستشفى تعب ووهن واذا حملتي تخافين تتعرضين للاجهاض وحرص زايد لين ينولد بالسلامة وهذا الحال كل مابغيتي تحملين تجمعين الالاف الريالات وتتشبع جسمك ادوية ومخاطر مضاعفات العملية عشان تقر عينك بعيالك بالنهاية اسال الله لي ولخواتي بتجمع اطفال الانابيب بالتيسير والذرية الصالحة والله يهدي ويعفو عن الحريم اللي تتقصد تجهض طفلها لاي سبب كان واللي تعترض على الحمل بالبنت ..
الله يحفظكم أتقوا الله بأنفسكم وذريتكم لا تهلكونهم بادويتكم قريباتي ثنتين منهم خذوا حبوب من الصيدلية يقال انها ترفع نسبة انجاب الولد ومع الاسف الاولى بنتها انخلقت بكبد وحده والثانية بنتها فيها تشوه ماعندها عين ثانية الحمدلله الذي عافنا مما ابتلاهم والله يرفع عنهم ..
نصيحتي يا خوات لا تعترضون على حكمة الله والبنت والولد كلهم خير والذرية ان جت فلا تجهض الوحده ما تدري يمكن وجه هالطفل خير ويحل مشاكلهم ..
وبالأخير دعواتكم لي ولكل محروم ومحرومة بالذرية الصالحة السليمة عاجلا غير اجلا .