لي سنة ماانام

حبيباتي بنات حواء انا مسجلة في المنتدى من زمان بس ما عمري اضفت شي جديد اليوم ولأول مرة اكتب عن معاناتي والتي لم أجد لها حل من سنة كاملة ويا ليت تفزعون معي ولاتخيبون ظني قصتي هي اني انجبت بنت في عيد الفطر الماضي ومنذ ذلك الحين انقلبت حياتي رأسا على عقب كانت البنت كثيرة البكاء بشكل غير طبيعي ولاا تنام الا ساعتين او ثلاث في الاربع وعشرين ساعة بعد عدة اشهر تحسنت بحيث ان زادت الفترة بس المشكلة ان نومها كله في النهار والليل سهر يعني ما تنام الا بعد صلاة الفجر بساعة وحاولت اكثر من مرة انه يتعدل ولافيه أمل لاتقولون اني بكر وجاهله فيها لان حتى امي انهبلت منها وهي انجبت 8 وام زوجي نفس الشي اخواني واخوان زوجي عندهم اطفال بس ما احد مثلها تخيلوا انهم رشحوني معيدة في الكلية ورفضت ولقيت وظايف في مدارس اهلية بعروض مغرية ورفضتها بسببها لاني مو معقولة اداوم وانا مواصلة اضافة الى ذلك صحتي تدهورت منها وزني نقص بشكل فظيع ونظري ضعف بسبب السهر والارق والان البس نظارة وانا افكر احج هذي السنة ولاادري كيف اسوي معها ولا يمكن اتركها عند احد لأن ماحد يتحملها ونفسيتي تعبانة جدا وصرت اسوي مشاكل مع زوجي لأتفه الاسباب لاني متخيلة حياتي ومستقبلي يضيع كذا يكفي لو قلت لكم انها في الأربعين رفضت الرضاعة ولافيني حليب أقسم بالله العظيم اني اعطيها الحليب واليانسون وكل شي بالملعقة وكل يوم اصبر نفسي للاكني الان ماعاد اتحمل تكفون تكفون ساعدوني