مأساة صديقتي

السلام عليكم ورحمة الله وبركاته..اليوم صديقتي اتصلت بيه منهارة وبتبكي..عرضت عليها اني اضع مشكلتها في عالم حواء ووافقت...لعل الله يفرج عنها بدعوه انسانه في ظهر الغيب


الان هي في اخر سنه دراسية باقيلها 3شهور وتجلس في البيت
مشكلتها انها وحيده..وامها وابوها كبار في السن و انطوائيين ما يعرفوا احد..وشديدين مره..كل سنه تخلص اختبارات في الجامعة يسافروا طول الصيف...طبعا الناس كلهم حاسدينها انها كل سنه تسافر وما يعرفوا ان مأساتها تبدأ بسفرها ..
طبعا طول ماهي في السعوديه من بيتها لجامعتها والعكس..الخروج غير كده ممنوع..ما عندها غير دراستها وبس
واذا انتهت الاختبارات على طول يسافروا ..وهناك تبدا مأساتها..


من غرفتها للصاله للمطبخ بس..مافي انترنت ..مافي خروج...مافي جامعة..مافي صاحبات...مافي احد يجيها..تخيلوا وحدة تتحرم حتى من النت؟؟
تجلس المسكينه بين الاربع حيطان تبكي من الفراغ والوحدة ..وتعاني من الامراض اللي تتكاثر عليها بسبب الحاله النفسية الصعبة..الى ان تنتهي الاجازه وترجع للسعوديه ولجامعتها ..
لها على هذا الحال 6سنين..ملل ,,فراغ..ووحدة...وكل ما تدخل امها عليها تلاقيها مريضة تصرخ عليها وتبهدلها وتخرج ..هذا بدل ما تطبطب عليها وتكلمها كلمه حلوه تواسيها وتسليها..

حتى الخطاب يرفضوهم..الله يهديهم ..بحجت انها لسة صغيرة ويجيها احسن منه..

امس كلمتني منهاره..تقوللي انها لو خلصت جامعة..حيسافروا ومهم راجعين يعني حتتسجن طول عمرها هناك...حتى املها في زوج يصونها تلاشى لانهم ما عندهم استعداد يزوجوها ابدا الا بمعجزه من الله...


الله يسعدكم ساعدوها..حتى لو بدعوه ان الله يفرج عنها...ولا تقولولي ...ان الحل هو الاستغفار وقرائة سورة البقرة لان هو ده اللي هي بتعمله..وهو ده اللي مقوي ايمانها ومخليها تتعايش مع وضعها طول هذه السنين

الله يسعدكم ادعولها ان الله يفرج همها ويفك اسرها ويرزقها بالزوج الصالح اللي يخاف الله ..وينزل السكينه على قلب اهلها ويوافقوا عليه