ماأفهمه ولا يفهمني وشخصياتنا ضد بعض !!

صباح الورد
انا متزوجه لي سنتين عندي طفل عمره 9 شهور
مشكلتي مع زوجي اننا مو فااهمين بعض ابد

حارمني من ابسط الاشياء الكلمة الحلوة الحضن البوسه !
لما حسيت انو علاقتي بدت تتوتر
صرت انا اطلبها منه
مالها طعم
اروحله وهو عالتلفزيون مثلا اقوله احضني مابستني اليوم
جد احزن فاقده هالشي بقوة
ومو راضيه عن طريقتي ذي
احس اني اشحت حنان وحب منه
خارج الاوقات الخاصه
اناني لأبعد الحدود عطيته كل شيء حب دلع هدايا حتى ذهبي بعته عشانه
بخيل علي حتى فمشاعره
والله سار موقف مستحيل انساه !
بنات انا تجيني نوبات هلع الله لايوريكم
من بعد زواجي بدت معاي
اخر مره جاتني كنا فبيت اهلي كنت مع امي الله يحفظها
لما شدت علي النوبه كنت اترجاه يطلعني من البيت مخنوقة بموت وطلعني جزاه الله خير
بعد ماهديت قلتله ابغا انام فحضنك اليوم تعبانه قالي اوكي
رجعنا بيت اهلي. دخل عند اخواني
صرت ادق على جواله ولايرد
شوي جاني اخوي قالي فلان نايم بغيتي شيء
وفسم بالله ماتتخيلو شو موقفي كنت احتاجه فوق ماتتخيلو
المهم فرشت لي في الصالون وشغلت القران والحمدلله نمت
واليوم الي بعده اعتذر
بس وربي مانسيتها
حتى الهدايا دايما اقوله انا احب الهدايا نفسي تهديني حتى لو شيء بسيط
ويقولي اوكي اوعدك ابشري ويفز قلبي ولا اشوف شيء منه !
ببساطه مايحب يفرحني

فيه حسنات احسه طيب مو حق بنات وكريم ماديا اذا كان معاه فلوس راتبه 3000
كيف اخليه يسير رومانسي وحنون.
انا تعبت من جلافته وقسوته

اعتبروها فضفضه اخت لأخواتها