ماابغى منكم إلا دعوه من قلوبكم... صديقتي تخاف أني أحسدها<< معدل/ استوفى الرد

السلام عليكم 
حبايب قلبي بدخل بالسالفه على طول 
لي صديقه أنا وياها علاقتنا حلوه وساكنه بنفس العماره 
ومره جاءتني وكان عندي جمعه وكان مبين عليها التعب 
قلت لها وشفيك ماتتقهوي ولا تحلي قالت لا ما فيني شي 
بـس حسيت فيها شي المهم طنشت 
واغلب الأيام نشوف بعض لأننا نروح التحفيظ مع بعض 
والله ماكنت أخبي عليها شي واي شي تحتاجه اساعدها 
بعدها وقفنا التحفيظ قريب شهرين  وقبل كم يوم إراسلها وتقول لي تعبانه 
قلت لها وشفيك قالت حامل والله يا بنات فرحت لها وإذا سويت طبخه او حلا ارسلها 
عشان ماتتعب نفسها توقعتها توها حامل لكن المفاجأة اليوم كانت 
زرتها لقيتها حامل بالشهر السابع ماشاءالله تبارك الله 
ومخبيه عني لأني لي سنوات ما حملت ):
الحمد لله على كل حال "" سبحان الله ما توقعتها كذا 
الله يتمم لها على خير 
بـس بجد زعلت أنا ماني عارفه ليه بعض الناس تحسب اللي متأخرة بالحمل 
راح تحسدهم 
حتى قريبتها لما تسألها عن الأشعة والمشيمة تتكلم بصوت واطئ ماتبغاني اسمع
والمشكلة مافي غيري بالجلسه 
قسم بالله اني إنسانه دايم كلمة ماشاءالله على لساني وأتمنى الخير للكل 
هذي احد المواقف الكثيره اللي مريت فيها  وأكيد مر فيها كل من تأخرت بالحمل 
طلبتكم تدعون لي بالحمل السليم المعافى لان نفسيتي تعبت 
من كلام الناس والله مشتاقة أضم بيبي 
الله لا يحرمكم الأجر