ماابي منكم الا الدعاء لابنائي

السلام عليكم ورحمة الله وبركاته انا ام لستة اطفال بنت وخمسة اولاد قولو ماشاء الله تكفون لاني جبتهم وراء بعض اكبرهم البنت لها 8 سنوات واصغرهم ولدي سلوم عمره 7 اشهر الله يخليه لي يارب هو واخته واخوانه
من كثر ماالناس متعلقين فيني حسبي الله عليهم بنتي الكبيره من يوم ولادتها الى ماصار لها 3 سنوات وهي تعاني من الامسااااااااااك بعد ماكملت 3سنوات راح الامساك وجاها حول وضعف نظر الحين لها ثمان سنوات تحسنت ولله الحمد واحد من عيالي يوم صار له 3 سنوات جاه السكر واحد ثاني من عيالي يوم صار له سنتين جاه حول رغم اننا ماعندنا احد بالعايله عنده حول يعني ماهو وراثه وهالحين ولدي وحبيبي سلوم الصغير وانا حامل في الثامن طحت على مؤاخرتي بقوه بعدها ماعاد يتحرك رحت لطواري وسوو لي اشاعه وقالو عنده نزيف بالراس وسوو لي عمليه قيصريه وبعد مطلع كان مزرق وماتنفس الا بعد شوي وسوو له اشاعه مغناطيسيه وبعد اسبوع من ولادته سوو اشاعه مغناطيسيه ثانيه وقالو ان عنده شوية كهرباء بالراس وطلعوه من المستشفى بعد 17 يوم ويوم صار له 3 اشهر جته حراره وديته المستشفى قالو حمى شوكيه النوع البكتيري وجلس بالمستشفى شهر ونصف سوو له جميع الاشاعات وقالو الحمد لله النزيف راح بس باقي بقعه بسيييطه يوم جته الحمى الشوكيه سببت له التهاب بالراس وخوفوني قالو يمكن يجيه صمم او عمى اواواو بس الحمد لله ايماني بالله قوي صحيح اتاثرت وانهرت بس الحمد لله كنت متوكله على الله ومستودعته الله وعندي امل كبير ان الله راح يشفيه والحمد لله سوو له اشاعه وقالو ان الكهرباء اختفت والان له ستة اشهر وايام يلعب ويقلب ويحاول يجلس ويتحرك ويحرك رجليه ويديه بس عنده رخاوه برجوله مايوقف اذا وقفته يجلس على طول احيانا يوقف فتره بسيطه ويجلس على طول تكفون ادعو لسلوم ان الله يشفيه لي وادعو لعيالي كلهم والله كاني مصدوده عن رقيتهم