مااحمل لأبوي أي مشاعر للأسف '''

السلام عليكم ورحمة الله 
اول شي لاتلووووموني والله ابوي عمره ماحسسنا انه ابونا ماعمره طلعنا ولاودانا سيارته مانعرفها ولاعمره ركبنا فيها تخيلتوا سكنا بغرفتين في بيت اهله وحنا عددنا كبير انا واخواني وامي تشتغل لجدتي وعمتي وتكرف لهم ولاعمرها شافت منهم كلمة شكر يامااهانوها قدامنا وعذبوها وامي يتيمة وام ابوي خالتها بس كانت قاسية وظالمة المهم امي الله يصبرها صارت بلاوي من ابوي وصابرة واخر شي طردتنا جدتي من البيت تخيلوا وين سكنا ابوي بعد عشرين سنة عذاب في بيت شعبي قديم لجدي يعني حتى ماكلف على نفسه يبني لنا بيت مع انه موظف كبييير ويقدر يبني لنا قصر بس مستخسر في امي حسبي الله ونعم الوكيل بسسس واللي يقهر جالس يبني لجدتي فيلا مع انها ساكنة في فيلا ماناقصها شي وحنا بيتنا رايح فيها المهم والزبدة بالموضوع امي السنة اللي راحت صارت تشوف اشياء بالبيت حنا مانشوفها وتوسوس وماتنام وجاها اكتئاب ودمعتها على خدها وديناها المشايخ نصحونا نغير البيت بس ابوي حسبي الله ونعم الوكيل ماابغى ادعي عليه مو راضي 
ياناس ياعالم امي ماتنام الليل تكره البيت نزل وزنها وسمرررت بعد ماكان الناس يحسدونها على بياضها لدرجة صارت حتى كارهتنا حنا ياعيالها وابوي ماحرك ساكن ولا يهواشها ويقول انتي مو صاحية بالله هذا ابو ولا زوج 
امي احيانا من الضيقة من البيت تطلع ماودها ترجع وش نسووووي مع هالابو اللي مايحس المشايخ يقولون غيروا البيت او بدلوه بس لاحياة لمن تنادي مع ابوي يقول المشايخ وامكم ماعندهم سالفة وش رايكم 
لا وبدل لايساعد امي ويطلعها من الحالة اللي فيها سمعته مرررة يغازل تخيلتوا حنا في حال مايعلم فيها الا الله نبغى امي ترجع زي قبل وهو مسوي فيها مراهق في الخمسين 
واخيرا دعواتكم لامي الله يشفيها وينصرها 
مالها غير ربي يارب ارحم حالها