رموش زوجي @rmosh_zogy

عضوة فعالة

مااعرف اتصرف مع زوجي انصحوني

هلا بالغوالي هلا باخواتي العزيزات

حبيت افضفض بالي في قلبي لعل وعسى ارتاح والقى منكم النصيحه

راح ابدا ع طول زوجي طيب وحنون ومتفهم فيه صفات كثير حلوه لكن مرات يتغير مدري شو يستوي له يقول كلام

يجرحني فيه ويتصرف تصرفات تخليني اعصب راح اقولكم بعض االاشياء

يدخل في صداقاتي يعني يقولي روحي عند هذي ولاتروحين عند الثانيه يقولي هذي مثل امج كيف تصادقينها وتزورينها
واذا رحت زياره في الشهر مره يعصب ومايخليني اقعد ولا اسولف واذا رجعت ارجع وهو زعلان وقبل يومين اتصلت حرمه قالت راح تجي عندي قلت حياج لما وصل قال ليش انت بس تحبين هذي الحرمه وانت ماعندج الا زيارات طيب الي يحترمني احترمه واكرمه كذا تعلمت الاعمار ماتحدد هالشي الكبار معزتهم نفس الوالده والي في عمري خواتي

ياخواتي والله العظيم ان زياراتي قليله والكل يعاتبني ليش ماتزورينا بس احس انه كرهني في الزيارات حتى لما اروح اروح وانا بالي مشغول فيه وبعدين انا قلت له الزيارات و الصداقه مالها عمر والناس الي تحترمنا وتعزنا لازم نبادلها نفس الكلام

وقبل اسبوعين فيه حرمه ارسلت لي كيك وبعدها سويت فطاير ورسلت لها قام زوجي زعل قال ليش تعطينها ما عطيتي اهلي انا لي اكثر من ثلاث سنوات متزوجه والله ان كل ماسويت شي اارسل لاهله بالرغم انهم نادر ما يردولي شي واقول ماعليه الله كريم تخيلو في السنوات هذي ماعطيت جيراني الا يمكن خمس مرات ويحاسبني ليش اعطيهم طيب فيه ناس تستاهل وفيه ناس انت تعزينهم والله ان اهله يسوون ولايرسلون لي بالرغم ان نحن جنب بعض حتى اخته تعطي الغير وانا لا بس والله اني مازعلت كل واحد وكيفه بس الي قهرني انه مايشوفهم ويشوفني انا وياليت يقدر هالشي لا يقول انا استانس لما تعطينهم شي لكن هم يعطونا بالنسبه لي عادي مو ضروري

خواتي انا ماانتظر من احد وعادي اذا سويت شي واعطيتهم هذولا اهلي لكن ماحبيت تدخل زوجي في هالاشياء تصدقون قمت ما اعطي احد شي والبارحه خليته لما طلع واعطيت جارتي كيك اخاف يسوي لي سالفه وهو مايبغيني اكلم احد او اكون صداقات وزيارات بس يبغيني في البيت ولا اروح عند امه او اخته بس طيب اهله يطلعون ويزورون والله انهم كل ليله طالعين ربي يسعدهم والوحده فيهم ماتجي عندي الا في الاسبوع الاسبوعين واكثر يعني عادي اذا انا ماسالت هم مايسالون وهو مايقوول شي بس اذا شافني قعدت يومين ماروح عندهم يسوي سالفه ويزعل ليش ماتروحين عند اهلي انا قاعد اشوف لكن انت ماتعرفين لازم اقولك هالشي

وبعدين قمت الاحظ في نفسي اني مو مثل اول اعرف اتكلم واسولف واخاف من الزيارت وزيارتي قليله لاني اذا رحت لازم يستوي شيي يزعلني واهلي بعدين عني في منطقه ثانيه
تصدقون حتى لما اروح السوق يقعد يدقق في كل شي شو لابسه من تحت العبايه لاترفعين العبايه مرات تنجبرين ترفعينه اذا فيه ماي واو تراب فهمتو علي يسوي سالفه منها يعني اقدر اقولككم اني في الطلعه مراقبه امشي كذا وليش سويت كذا واغلب الكلام يقعد يشوف الناس ويتكلم عليهم شوفي الولد شو سوى شوفي هالبنات شو يسوون شوفي هالاطفال صح ان بعدنا مارزقنا الله باولاد لكن الله كريم احمده واشكره

ممكن هذا هو السبب لانه لما يسمع ان فيه ناس تزوجو بعدنا وجابو يتم زعلان ومعصب ويحسسنس اني السبب والحمدالله سوينا فحوصات مافيه شي بس يبغيلنا صببر

وبقولكم شي دايما يقوله لي اول ماكنت ازعل بس الحين لا اخذ في خاطري يقولي جبهتك كبيره بالرغم اني اشوفها عادي ومافيه احد قالي من قبل وماامدح نفسي الحمدالله الي فيني يكفيني
لما اقوله ليش تقولي كذا يقول انا احب اظايقك وازعلك واشوف الكلام الي تزعلين منه واعيد وازيد فيه

سامحوني طولت عليكم والله باقي كلام بس ماحب اطول زياده

ابغي نصيحتكم لاني حاسه اني ماعدت فاهمه نفسي ولافاهمه زوجي كل شي ملخبط قدامي لدرجه اني احس مرات اني ما ابغي اكلمه شو اسوي وكيف اتصرف
ربي يسعدكم دنيا واخره

يلزم عليك تسجيل الدخول أولًا لكتابة تعليق.

تسجيل دخول

$مهاوي $2010 • 12 سنة

الله يعينك عليك بالدعاء له
الله يسخره لك

ريوومة البحرين • 12 سنة

حبيبتي ادعي واستغفري والله يسخره لج يااااااااااااارب

ام عمار و عامر • 12 سنة

الله يفررج همك

أم معتز * • 12 سنة

مثل ماقلتي لك 3 سنوات زواج وياكثر ماتحصل فيها مناوشات وحساسيات من ادنى الدون وخلي سالفة الخلفه على راس الهرم لانها سبب ضيق زوجك إحتمال الخلفه هي الي مخليته في وضع نفسي غير مستقر ومتقلب وادري بشوقك للعيال لكن اسال الله انه يرزقكم ومثل ماقلت وانا اختك أن كانه يشد لابد انك ترخين
و جاراتك خلي ازواجهم يحتكون بزوجك ويطلع معهم ... وياخذون ارقام بعض مثلا يمكن يستأنس وياخذ عليهم
اتمنى تاخذين زوجك على حسب نفسيته وظروفه لاتعصبين ولايضيق خاطرك منه ..حببيه في التواصل مع الناس وخلي بالك واسع معاه ترى الرجال كلهم من طينه وحده .. اتمنى لك السعاده والتوفيق

مرمر 12327 • 12 سنة

زوجك غياار يبغاك له لحاله

حاولي تعاملينه كانه طفل احس انو ينفع مع شخصيته وسايسيه لو قالك ليش مارسلتي لاهلي قولي بكره بسوي شي احسن منو وارسلهم

موضوع الزيارات ماقدر افدك لانو انا وحده بيتوتيه زوجي يموت عشان اقله بزور فلانه بس ماقوول ماعرف غير بيتي وبيت اهلي ..... هع

والله يحنن قلبه عليك ياارب