ماتبي تترك البيت تقول خلوني وسافرو بس ماتودوني عند احد

السلام عليكم
العاملة المنزليه اللي عندي ممتازه طيبه شغيله امينه
لكن ماتحب تطلع معاي مكان لا اهلي ولا اهل زوجي ولا مولات واي شي تبيه وتحتاجه تطلب من التطبيقات بعد ماتستاذن مني شي ان ونعناع وكل شي تطلبه
ومخليتها على راحتها لكن اذا جيت اسافر أتأزم اشيل همها ترفض تروح بيت اهلي تقول ارتاح في غرفتي وحمامي ونظامي ماابي اغيره طبعا رحت سفرات خفيفه عمره مكة يومين البحرين زي كذا واخليها بعد ما املى البيت اكل عشان ماتحتاج شي من برى واوصيها تقفل الابواب والادميه ملتزمه
لكن سفرتي ١٠ ايام احسها طويله قلتلها لازم تروحين بيت ماما انا ما اخليك وكذبت عليها قلت البيت بيكون فيه عمال ورفضت مررره الدرجة قالت رجعيني المكتب خلاص انا ما أترك بيتكم ابدا الا للمكتب او المطار انا شارطه كذا بالمكتب وكفيل يدري قلت الزوجي انت مو صاحي تدري وعادي قال الله اكبر يالي من ديره الديره من كثر سفراتنا كلها سفرتين وماتتعدا ٤٨ ساعه خليها بس وعطي المفتاح اختك تشيك عليها يوميا محتاجه شي ولالا وتوكلي على الله ونسافر
بس انا والله اخاف عليها مثل بنتي تقولي لا تخافين يامدام انا متعوده حتى البيوت اللي قبل اشتغل عندهم كانو عادي يتركوني ويسافرون
لكن انا ماش ٩ كثيره عطوني رايكم اخياتي انا وصيت اختي تجي كل يوم و بيتي كميرات كله واقدر اتواصل معها صوت وعندي رقمها لكن مع ذلك خايفه عليها هذي أمانه 😢 ١٠ ايام واجده