ماتزوجتك عشان ادور فيك

السلام عليكم

كيف حالكم خواتي

مشكلتي ببساطه مثل كل بنت محبوسه ببيت ابوها وكل كلمه والثانيه يقولون لها اذا تزوجتي سوي اللي تبين وتزوجت وصار عندي طفل وزوجي حابسني برضو يعني ازور اهلي حبسه واروح عند زوجي حسبه

حلمي اتوظف ابوي كان رافض وجاء زوجي يستهزي بشهادتي مع اني جامعيه وقسمي حلو

زوجي مايطلعني الا اذا قعدت ابكي وازعل يوم ونص شهر عسل ماوداني حملت وولدت ماوداني مكان وبعد الصراخ قال ماتزوجتك ادور فيك هديه ماجاب لي الا بعد الصراخ خلخال ودبله وسلسال صغير كلها ماكلفته 1800 ريال واستحى يوم جيت احاسب

الحين انا احتقر زوجي وناقمه عليه واكره بيت اهلي احس اني انخدعت ما استمتعت بزواجي مثل البنات حتى الجنس زوجي يقول غلط يكون كثير المفروض مره او مرتين بالاسبوع بالكثير

وصلت لمرحله ان مافي شي يبسطني ماقدر احس بالسعاده ابدا احس اني محبوسه صرت اشبه نفسي بالعنز

والاهم من بنت كانت عينها مليانه عمرها ماحسدت احد لوحده حسوده تتمنى كل الحريم متنكدات
صرت احسد اقرب الناس لي

طلبت من زوجي الطلاق كذا مره ورفض بحجة انه يحبني طيب انا مو سعيده معه وش اسوي اذا هو حارمني من اشيا كثير

امي كل ما اشتكي لها ماعندها غير جواب واحد احمدي ربك انه مايخونك يعني مفروض باقي الاشيا اتنازل عنها

قال لي كدا مره انه بيتغير علي وكان جوابي كل شي مقطوع اذا لقيت شي ما انقطع اقطعه ماتفرق فانصدم وسكت


ابي حل مليت من حياتي