ماتزوجتي توجد نماذج بالداخل.>>مُعــــــدل

السلام عليكم ورحمة الله وبركاته
اللهم صل وسلم على نبينا محمد


أنا وحده طقت تسبدي بدرجه مو معقوله
كل شي زواج تزوجتي تزوجي ماتزوجتي
اول شيء ادعولي ان الله يهب لي من عنده زوج صالح يفك اسري وجميع أخواتي المؤسورات



نبدا


نموذج١

يمه ابي اروح لحفل زميلتي : لاعيب وش تروحين اذا تزوجتي روحي :08:

يمه وش رايك أبغى اشيل شعري ليزر : لاوش خليتي اذا جيتي تتزوجين

طيب يمه وش رايك اسوي كذا : لا لا خليه لبعد الزواج احسن


--------------------------
نموذج2


هلا والله وشلونك وش أخبارك ومندمجه بالسوالف :تطالعك بطرف عين وهي ساهيه وتطلق القنبله هو انتي ليه الحين ماتزوجتي < لا والله ياصديقتي بس من كثر الخطاب احترت:laughing:


-------------------------
نموذج3


بنات من عمرك متجمعين وسوالف وانتي كاشخه ومثلك مثلهم بس ان كلهم متزوجات الا انتي
ومندمجين بالسوالف واذا طرحتي رايك وشاركتي
ردت عليك ام العريف والحكمة وتقولك اذا تزوجتي يتعرفين<طيب طال عمرك عادي أبغى اقول وجهة نظري


-----------------
نموذج4

عاد هذا يفقع قلبي
باقولكم مواقفي مع هالنموذج

وحده من صديقاتي كنا طالعين لمول وطبعا هي على راسها ريشه اقصد متزوجه
هي صديقتي مره مره مره
فاتصل زوجها وكان مستعجل وقال بسرعه اطلعي أنا عند الباب
فانا سألتها قلت وش قالك باي بوابه <أنا كانت نيتي اختصر لها الطريق لأني حافظه هالمول
فردت ام ريشه بكل خوف اني احسدها قالت قولي ماشاء الله اولا وثانيا امشي بسرعه:smheart:


وموقف ثاني بعد من الفئه الي تحسسك انك اذا ماتزوجتي فأنتي حاسده وراح تعطينها عين
اتصلت علي وحده وتتشكى وأنها فبيت اهلها وأنها ماعاد تبغى بيتها ولازوجها والناس حسدتها وانا تعاطفت معها
وبعد ماتبقشت الامور وصلني خبر انها تروح لأهلها كثير بس عشانها حامل وبترتاح وام ريشه ماعلمتني تخاف احسدها طيب كان ماكلمتي من الاساس



--------------------


نموذج 5


***********
ولا الي تجيك وتقول لا تطلعين لوحدك لا بس اطلع ومعي وحده متزوجه عادي حلال حتى لو هالمتزوجه اصغر مني بس عادي هذي بتصير أعقل مني الحمدلله والشكر

******



------------------

بجد مدري وش السوات مع هالنماذج وأكيد صادفتكم عطونا مواقفكم وكيف رديتو عليهم وطبعا باقي نماذج كثيره بس مابي أطول عليكم
والمشكله تجيك وحده متزوجه ومفرخه ماشاء الله من هالنماذج وتقولك الزواج مو كل شيء ولايصير همك الزواج
طال عمرك منك ومن اشكالك خليتي همنا الزواج الله يستر على بنات المسلمين






والله يكتب لنا كل خير
ويرزقنا من حيث لانحتسب

ويوفق الجميع ويحفظهم

وصلى الله وسلم على نبينا محمد