ماتلاحظون كثرت امراض تشوهه المواليد الله المستعان

ايوا والله هالشي ساير نسمعو بزياده او ممكن هالشي حاصل من زمان لكن ماكنا نحس او ندقق
عشان مامرينا بتجربه لكن انا بعد تجربتي بوقف نبض الجنين سرت ادقق بهالقصص واقراء كثير
ف ممكن عشان كدا سرنآ نشوف الامراض كترت او موت الجنين والحمدلله على كل حال
وراضين بقضائك يااااارب ..

بس انا لما سألت الدكتوره عن سبب وقف نبض الجنين قالت هالشي بيد ربنآ ومافي سبب معين
لكن ك تجربتي او كالأخذ بالسبب انا سارتلي امور كتيره ف ماادري هل ممكن هالاسباب الي مريت فيها
وقفت نبض الجنين او لأ ..
اول سبب المشي بكثره بالسوق مع العلم ماكنت ادري بموضوع حملي
سويت اشعه بانوراما لاسناني وماكنت ادري بموضوع حملي
سافرت بالطياره 4 مرات واجهدت نفسي بالسفر من اسواق ولعبت العاب جدآآآآ جدآآآ خطيره للحامل وماكنت ادري اني حامل

اما بعد ماعرفت بحملي سارت كمان اشياء والله اعلم اذا هي السبب
اول شي طحت عالسيراميك
ثاني شي سافرت بالسياره مرتين
ثالث شي كنت بالسياره مع زوجي وسار يضارب مع واحد بس عن طريق السياره يعني يسوق وبقوه وفجأه يدق
فرامل ويلف يمين ويسار كأني بقطار الموت استغفرالله بس
هذي كل الامور الي مريت فيها لكن ماادري اذا اثرت في الجنين او لا

اما التشوهات الخلقيه الوحده تحافظ على نفسها
يعني تكون منتظمه على حبوب الفوليك تبتعد عن الاشعه بالمستشفيات
تبعد عن الصبغات الشعر لان فيها مواد كيميائيه تضر الأجنه وخصوصآ بالشهور الاولى
لكن ك نصيحه الووحده تبعد عن الصبغات طول فتره الحمل
وكمان مشروبات الطاقه زي بايسون وكود رد في حريم يتوحمو عليها واولهم امي الله يحفظها ويهديها وطلع اخويا مريض والى الان يتعالج لكن ماادري اذا مشروبات الطاقه اثرت فيه ولا هو مريض من الله بدون سبب
يعني المشروبات الي زي كدا نهاااائي الوحده تبعد عنهم حتى لما ترضع .. للأحتيآآآآآط ..
وكمان الحامل المفروض تبعد عن المدخن او الي يعسل ويشيش لاتستنشق هالشي لانه مضر ويضر الأجنه

وحده من قريباتي تحكيني انو صحبتها ببداية حملها طاااااااحت طيحه قويه عالارض
وبالسونار اتبين انو اعضاء الجنين مرررره ماهي طبيعيه الله اعلم ايش سار لكن بعد كم شهر اجهضت
اما اشعه الجوالات والاب توب ماتوقع انها خطره لدرجه تشوه الاجنه والله اعلم

ف عشان كده الوحده تاخد بالاسباب وتحافظ على نفسها وعلى اكلها وماتخرج كتير من البيت
وتلتزم الراحه واذا الجنين طلع مريض او مشوه ف هذا قضاااااااء من ربنآ ومكتوب
وتصبر وتحتسب وان شاء الله كلو بأجرو يارب

يعطيك العافيه ام اصيل

والله الوحده توسوس من اي شي سار خطر انا عندي 2معاقين ومدري عن السبب الاول اسباب كثيره ممكن تسبب بس الله العالم دخلت اشعه مع بنتي طاحت على راسها ودخلت معها مدري انها تظر والثاني وقت الولاده الدكتوره تخاصم وتقول الخياطه الي مسويتها جات تخنق البيبي الله يسامحها طيب فيه شي اسمه تشقه وبنتي الثانيه والله مدري لم كنت حامل اشيل طفلي المعاق وشغل ولم رحت قالو الموي ناقص والمشيمه فيها تخثر دم كنت فالسابع طيب مدام عارفين تاثر كان ولدوني فالسابع الله يسامحهم بس

بنات اختي حامل وجالها قمل واستخدمت شامبو انرجي للقمل من الشهر اﻷول وتستخدمه من فتره لفتره والحين هي في الشهر الرابع تتوقعون انه خطير عليها خايفه ﻷيكون سبب شى للجنين . .

اه يازمن
خلي اختك تستشير الدكتوره لانو ماعندي علم عن شامبو القمل اذا مضره او لا
والله يتمم حملها وتولد بالسلامه