ماحبه .. ومافيه شئ يعجبني .. في احد مثلي؟؟؟

بسم الله الرحمن الرحيم
ردو علي واكسبو فيني اجر..















خواتي
ودي افضفض باللي داخلي ومالقيت غيركم افتح له قلبي لاني تعبت تعبت تعبت
اللي بيقرا موضوعي بيقول يمكن ماعندي سالفه .. او شوفي بلاوي غيرك .. او او او لكن الهم اللي بداخلي كبييييييييييير وماراح تحس فيني الا اللي قلبها كبير

هذه حياتي ...
متزوجه من 5 سنوات .. عندي بنت وحامل يارب يسهلها علي .. حالتي الماديه ضعيفه لابعد حد راتبه 1500 وعلية ديوون واقساط ولايعطيني مصروف ولا شئ صحيح مايقصر علي لما يكون عنده بس لما مايكون عنده ا وهذه في اغلب الاوقات نا اعذره والحدلله قنوعه ولا اشتكي لحد ولا حتى لاهلي يعني لاتفكرون حالتي الماديه هي سبب تعاستي بس لكن ربما تكون احد الاسباب
والمشكله ومافيها انا مو مرتاحه مع زوجي ابد ابد ابد .. رغم انه مافيه مشاكل عويصه بينا .. هو عصبي وعنيد لكني متحملته بكل ماقدر وقد ماقدر اسكت وابلعها حتى ماسبب مشاكل .. لكني احس اني مختلفه عنه تمامااااااااااااااااااا يعني تخيلي تعيشين مع انسان غيييييييييييير عنك في كل شئ .. في دراسته هو ابتدائي وانا جامعيه ,,, في تفكيره .. في اطباعه .. في سلوبه .. في كلامه .. في نظرته للناس ... في طموحه .. في كل شئ كل شئ كل شئ
نجلس سوا بالساااااااااااااااعات من غير مانفتح ولا سالفه ماحس بيني وبينه مواضيع ولو حاولت افتح موضوع يسكره بوجهي يتركني ويطلع وانا اتكلم او يغير الموضوع او يقولي سكتي بس
لما يشوفني امارس هواياتي اقرا كتاب او اعمل اي شغله فنيه يجلس يتهزأ فيني
لما اطلب منه اي غرض كلم اخوه حتى اكلي وشربي وطلعتي مع اخوه بالله عليكم هذه تصرفات؟؟ومع الناس يازينه ومايرفض لهم طلب
حتى في علاقتنا الحميميه او اللي المفروض تكون كذا .. اسلوبه زي الزفت همجي .. كلامه مثل اولاد الشوارع .. ماعنده رومانسيه ولا مقدمات ولاكلام مرتب مثل الناس وانا منه بااااااااارده واكره العلاقه معه حيييييل وماعمري حسيت بمتعه ولامره من 5 سنوات ... حتى اذا اشتقت للهشئ يقتل كل احساس بمجرد مانلتقي همجي بكل معنى الكلمه
مو كافي متحمله اهله .. وقسم بايات الله كلهم يكرهوني بدون سبب اتقرب لهم اجاملهم .. وهم يعتبروني جدار اذا دخلت عليهم ولا وحده فيهم تكلمني مو عداوة لكن اسلوب زفت واطباع قذره
متحملته ومتحمله اهله ولا باين في عينه .. وهو يشوف ويدري اهله كيف يعاملوني مثل الشغاله بينهم وساكت
يعاندني بدون اسباب بس اسم انه بيثبت رجولته
مع الناس منافق ويقواون بوجههم كلام ووراهم شئ ثاني ويسبب فتن وعدوات
دايما يحرجني حتى مع اهلي يجلس يفحط بالشوارع مثل المراهقين ويشغل الاغاني ويرفع صوتها بالشوارع وكل الناس تنتقده ويحرجني مع اهلي ومع الناس
ماعمره شافني متضايقه وكلمني بحنيه وقاللي شنو اللي مضايقك بالعكس بس يشوفني متضايقه يعصب ويصرخ ويطلع حتى وهو مايدري شالسبب

هو رغم سلبياته يحبني .. لكن وش هالحب ؟؟؟؟؟؟؟؟؟؟؟؟؟؟؟ظظ اللي عمري ماشفت منه راحه

ياربي انا تعبت تعبت مو قادره اتحمل اكثر عايشه بكبت فضييع احس اني كارهته ماحبه مافيه شئ يعجبني ابد
خايفه انجن او يصير بعقلي شئ .. ودي اتركه لكن لا مجمتمعنا ولا بنتي واللي ببطني ولا اهلي وبالذات ابوي راح يقبل بهالوضع بيقولون تتطلق بدون سبب .. وانا داخلي الف سبب وسبب ماقدر احكيها لاحد


ادري غثيتكم بكلام يمكن تحسونه بلا معنى ... لكني بسببه بوصل للجنون
لو كنتو مكاني كيف بتتصرفون؟؟ دلوني. طلعوني من اللي انا فيه