ماذا افعل؟للمتزوجات ساعدوني

بسم الله الرحمن الرحيم

اخواتي والله الكلام كلو ضاع الحين مني من التوتر ولازم اكتب ولازم تردو علي لاني محتاجة حلولكم
اولاد زوجي من طليقتو اجاو عندي زيارة اول مرة قبل ما ييجو كنت اترجى ابوهم كل يوم يجيبهم يقعدو معنا .المهم مند يومين راح جابهم والله اني حضنتهم ورحبت بيهم مع انهم رسميين لدرجة رهيبة لكن في نفس الوقت اشفقت عليهم وحسيت انهم خجلانيين وانطوائيين .لكن قلت معليش يمكن امهم معطياهم فكرة وحشة وحاولت اتقرب منهم .واراضيهم والله اني بدللهم لاقصى درجة ومقابل كل تصرف معهم جفاء او رد بكلمة او اتنين فقط .والله يا بنات انهم ما يقولو تصبحي على خير انا اخبط الغرفة واقولهم تصبحو على خير ولا حتى صباح الخير ايش هدا الجو بيتي صار كئيب وانا تعبانة والله مش منهم لكن من تصرفاتهم معايا انا ما سويت شي ابوهم طلق امهم من 7 سنين وانا متزوجاه من سنة .يعني انا ما كنت سبب في انفصالهم ليش بيعاملوني هيك
والبقية تأتي؟؟....لما يكونو قاعدين بالصالون اروح اقعد جنبهم اتفرج معاهم ينسحبو كلهم غرفة الجلوس ولما اقعد معاهم في غرفة الجلوس يروحو الصالون هدا ايش معناه ؟:16: والادهى من هدا كلو انهم عادي بيكلمو خدامتي ويمزحو معاها دابحني الوحم ومش ناقصة وباجي على نفسي واقوم اراضيهم واتحرك بالبيت ..وزوجي يقولي معليش اصبري هدا كل كلامو
اليوم اتصل الصبح قالي فينك قلت لو في غرفة الجلوس زعل قالي روحي اجلسي مع اولادي عيب ؟:06:عيب والله العيب مش مني والله انا براعي ربنا واقسم ان كل الي مكتوب لكم صدق معاناتي ايش اسوي علموني قولولي اليوم صحيت رحت عندهم كانو قاعدين بالمجلس قلتلهم تعالو اقعدو معايا قالو لي لا خلينا هنا :06: انا بفكر اجمع هدومي لاني كدا احس نفسي ضعيفة واسافر عند امي الحين قبل شهر سبعة لان نفسيتي تعبانة وكل ما اجي انام اقعد ابكي
بنات لا تبخلو عليا بحلولكم