السلام عليكم ورحمة الله وبركاته ..
اتمنى من كل يقراء موضوعي "إبداء رأيه بصراحة"
أنا ماأبي مجاملات ولا أبي أحد يوافقني عشان يرضيني أنا أبي "الصراحه وبس"
أبي أعرف كم نسبة اللي حاسين مثل إحساسي
سؤال يطرح نفسه ..
مدارسنا وش تخرج بالظبط ..؟؟
أنا أبي اعرف وش هدفهم من بناء المدارس وتوظيف المعلمات والمعلمين ..؟؟
أبي الهدف الحقيقي ..
طبعاً كل وحده بتقولي "التعليم"
طيب صراحة بالنسبه للتعليم عندنا أشوف أن الوحده تكتفي بالابتدائيه وتقعد بالبيت وتعتبر مثلها مثل اللي درست المتوسطه والثانوي لأن المواد بعد كذا تكرار xتكرار
هذي مشكلة كبيره اكيد والمفروض أن "وزارة التعليم"تعالجها وتطور كتبها "بالمعلومات اللي فيها " أهم من أنها تطورها "خارجياً بالغلاف فقط"
حنا وش نبي بالغلاف ولا الالوان ..؟؟
ليش حنا نتعلم نرسم ..؟؟
أنا أحس صراحه تطوير الكتاب هذا تسكتيه شكلوه من برا بالالوان ومن جوا طلع تحفه فنيه بس للأسف "معلوماته"مازالت مثل ماهي وكلها أخطأ ...!!
هذي مثل ماقلنا مشكله كبيره ماأدري متى بيصحون ويحلونها ..بس الحمدالله ممكن نعديها بدون خسائر تذكر ..!
بس الأدهى والأمر ..
أن مدارسنا للأسف تنتج "طلاب وطالبات" محبطين نفسياً ...
وعشان ماتقولون ابالغ نبداء مرحله مرحلة
الابتدائية:
كانت بنت المدرسه او المديره مقدمه على كل الطلبات حتى لو كانت في الدراسه "كسره" <<يعني داجه ..!!
هذا وش يزرع في نفوس البنات ..؟؟
أنها هي لازم تعتمد على غيرها عشان يصير لها مكانه ..؟؟
وست سنوات كفيله أنها تخرجها وهي متشربه ومقتنعه بهالشي ..!!
والله أتذكر يوم كنا بالابتدائي في الطابور بنت المديره وصديقاتها هم أول شي ولاأحد يتعدى عليهم ولا يشوف شي عمره ماشافه بحياته مثل ماصار لوحده من صديقاتي ..
والمديره كانت بداية كل سنه تجي وتحجز الصف الأول في الفصل لبنتها وصديقتها وهم نايمين في البيت ..!!
والبنات الباقين ولاكلمة ...!!
وهالمواقف والله مازالت راسخه في بالي رغم مرور سنين عليها ..!!
في الانشطه المدرسيه ..بنات المدرسات وبنت المديره هم صاحبات المواهب حتى لو كانت "ماعندها ماعند جدتي " يكفي أنها بنت المديره أو المدرسه عشان تصير موهوبه ..!
والموهوبات فعلاً "مسكرين عليهم داخل الفصول".!
في المتوسطه :
هذي مرحلة خاصه البنت والولد ياناس يحتاج فيها لمعاملة خاصه ..يحتاج يفهم كيف يتأقلم مع التغيرات اللي يمر فيها ..
وبكل بساطه تجيك مدرسة تقول "يامراهقات"..!! صرنا نحس أن هاللفظه "بذيئه" وتعتبر "سبة" وهي مرحلة عمريه عاديه ..!
طبعاً الشكوك دايم تدور حولك .. لأنك "مراهقه" <<يعني مجنونه..!!
هذا غير "التحقير" من قبل المدرسات وأنا صراحه لاحظت أنه في هالمرحلة أكثر من أي مرحله ثانيه بعتبارك أنتي بحاجة "لمعاملة خاصه" فهم يقلبون المفاهيم ..؟؟!
أنا ماأنكر أن فيه بنات فعلاً يطلعون الشيب في الراس ويستاهلون أن أحد يقسى معهم بالمعامله ..بس
ترا مو كل البنات ..وبعدين هالبنات اللي يصير عندهم عناد ومحاولة للخروج عن قوانين المدرسه
شي أكيد أنهم يعانون من ضغووط في الحياة يحاولون يفرغونها بهالطريقة
بس للأسف مدارسنا لو كانت عندك ضغوط بسيطه تنهي عليك مره وحده أتوقع انهم يشوفون هالحل أسرع من أي شي ثاني ..؟؟!
في المرحلة الثانويه :
لا الحق يقال المعامله تكون أرقى ..يعني تهزئك لحالك بدل ماتهزئك عند كل البنات خخخخخخخخخخخخخ
طيب وبعد الجد والجهد والكرف
طالبات في ثالث ثانوي تقولهم معلمتهم
انتم لازم نعرضكم على اطباء نفسيين..
والثانيه تدخلنا للفصل وهي تقول ( هشش ياغنم ) ؟؟
والثالثه ادخـلو ياحيوانات والرابعه عـما يعميكم والخامسه ووووووو ....
يـاعيني على مربيات الاجيال !!!!
واذا طالبوا بتاجيل امتحان وتعديله قالو انتم مدلعييييين و
شلون مدلعين وهم مساكين مكروفين كرفّّّّّّّّّّّّّّّّّّّّّ
يجون "الطلاب" و"الطالبات" كلهم أمل أنهم يدخلون أقسام يرغبونها
والنتيجه محسومه:أبوك أخوك جدك عمك خالك ....عضو من أعضاء الجامعه
ندخلك لو تبي "طب" بنسبة 70%
والطلاب والطالبات اللي ماوراهم "ظهر" لو كان شاد حيله طول السنه
وطالعه روحه من الحفظ في الكتب السقيمه مايدخل القسم اللي يبيه لأنه ماعنده أحد يسنده ...
ونسبته ماتكفي
ويمكن العدد اللي بعد الفاصله يحدد مستقبله ..!!
وطبعاً مايحتاج أزيد على اللي قلته أتوقع مافيه وحده ماتعرف "عدالة جامعاتنا".!
وفي كل مرحله نخرج بالاتي :
*أصحاب السلطه هم الصح ولو كانوا كلهم أخطأ
*رأيك ماله أهميه ولايمكن يتنفذ الا اذا أستندتي "لسلطه أقوى منك"
*إبداء الرأي والمناقشه تعني "قلة الأدب" وأهلك ماربوك ..!!
*إذا كونتي نفسك مثل مايرغب الاخرون فأنتي صح ..حتى لو مارضيتي عن نفسك ...!
*ليس فقط الطالب يتخرج محبط لا والله اصبح حتى المعلمين يعطون بدون اخلاص
بسبب الظغوط النفسيه من جهة المستويات ومن جهة التعاميم
*العدل يعني "كل ماهو صحيح في نظر أصحاب السلطه"
إذا تقيديتي بالنقاط السابقة وأقتنعتي بها فأنتي خريجة "مدارس السعودية" بنسبة 100%"
والنتائج:
كم هائل من الشباب المحبط نفسياً
لايستطيع حتى المناقشه
لايستطيع إبداء وإثبات وجهة نظره
لايستطيع التمييز بين الصواب والخطأ
لايستطيع الدفاع عن أبسط حقوقه
والبعض منهم ينحرف في محاولة لتفريغ "الكبت"
وأكيد المدرسه مو هي العامل الوحيد بس ماننكر أنها العامل الرئيسي
16سنة مو بسيطة
بس عشان مانظلمهم يعطونا شهادة في نهاية كل مرحله
عشان نصور معها لأن حتى وظايف مافيه ..!!
منقول ..
رد أحد الشباب على هذا الموضوع ووالله ان قلبي تفطر من الحسرة على شبابنا
( بـلوتوث )
طبعا عشان موضوعي يكون موثق .. جبت لكم مقطع
الاول يدل على رقي شبابنا وطموحهم
والاهم تشوفون شخصيه المعلم الموكل بتعليم ابنـائكم !
http://www.66g.com/download.php?image_id=3281
ووالله ان هالمشهد يحصل بأغلب مدارسنا وحتى مدارس البنات يصل فيهم الاستهتار لهالحد
---------------------------------------------
والمقطع الاخر اللذي يصف وحشيه معلم سعودي وهو يضرب احد الطلاب
هو مقطع فيديو لكني اكتفيت بوضع الصور
ومـاخفي أعـظم ,,
,,
ملاحظة :
لفظ الجلالة ( الله ) وليس اللة
بارك الله فيك
المشرفة