مازالت الهموم تحاصرني ومالي بعد الله سواكم يا بنات حواء ...؟؟؟

السلام عليكم ورحمة الله وبركاته

أخواتي أكيد أغلبكم عارف الوضع المأساوي اللي اكتوي بناره كل يوم

بنات اليوم مشكلتي ان زوجي الخاين هو له كذا علاقه مع بنات وشغالات بس فيه وحده من البنات مايقدر يستغنى عنها وهذا اللي لاحظته من رسايله يبيع الدنيا ولا يخسرها وهي أقدم وحده وشكلها لها معزه كبيره عنده
المهم البنت اخذت رقمها وكلمتها من الحرقه اللي في قلبي وهددتها اذا ماتركت زوجي رح تندم ورح افضحها وانزل صورتها في النت (لان العمه راسله صورتها لزوجي وانا ارسلتها لجوالي )

آه يابنات لو تدرون إيش ردة فعل زوجي طبعا أنا ماقلت له بس السافله راحت تقوله إني كلمتها تدرون إيش سوى زوجي بعد هالعشره وهالأطفال طردني لبيت أهلي وهددني بالإنفصال اذا كررت هالتصرف عشان مين عشان وحده حقيره نست الخوف من الله ؟؟؟

ويعلم الله يابنات إن تصرف زوجي سبب لي ألم وجرح بقلبي بيرافقني طول عمري..!؟
المطلوب الله يخليكم أبي طريقه تهز البنت وتجرحها زي ماجرحتني وأخذت أعز إنسان مني..!؟

وطبعا كلمت الهيئه أبي حل وقلت لهم عن هالبنت هددوها وخوفوها بالله قالوا أنتي إنصحي زوجك؟ وبرضو إستعنت بمركز إستشارات بعد الله ولكن للأسف ما سولو شي؟ ياعالم زوجي كل الوسائل إتخذتها معاه بس ماينفع الخيانه تجري في دمه أنا مجننتني هالبنت أحس إن عنده إستعداد يبيع عياله ولا يخسرها ليش مادري وهذا اللي حارقني
أكيد فيه سر وراء تمسكه فيها تخيلوا لدرجة تطلب منه ثلاثة ألاف ريال؟ وما تجرأت الوقحه تطلب هالمبلغ إلا لأنها تمون وشايفه منه أعظم من كذا وما أتوقع إنه متزوجها لأنها تكلمه بخفيه عن أهلها وهذا الواضح من بعض رسائلها اللي قريتها لها والواضح أنها بديره ثانيه غير الديره اللي إحنا فيها هذا اللي فهمت من الرسائل

والله إني للأن أدعي لكل وحده شارت علي ودعت لي بموضوعي الأول ولازلت أدعي وبدعي يا أخواتي لكم ولكل من تساعدني بحل مشكلتي وبمحنتي فالله يجزاكم كل خير مقدما" ورزقكم الله من حيث لا تحتسبون وكفانا الله وإياكم شر بنات الحرام وأبعدهم الله عن أزواجكم وبرضو لا زلت أدعي الله إنه يفرجها ويحلها من عنده وسهام الليل إن شاء الله ما تخطئ

أختكم المحتاجه مساعدتكم ودعواتكم لها بظهر الغيب

الجرررريحـــــــــة