ماشكيت من دنيا وقلبي منها مكتفي

السلام عليكم ورحمة الله وبركاته
انا ماجيت اشكي من دنياي لان كل شي فيها مقدر ومكتوب لي من ربي والحمدلله
حالي افضل بكثييييير بكثيييير من ناس
انا مو ناقصني زوج حنون ولاناقصني اطفال الحمدلله
لكن ناقص علينا فلوووس حيييل مادتنا ضعيفه ايام مااكل الا جبنه سايله فطور وعشاء واخر اليل لاجعت بعد
مافي شي بالبيت ينوكل غير معلبات بسيطه جبنه فول سوداني وفاصولياء معلبه
والله خلاص احس جسمي مكتفي من الجبن خلاص اكثر من مره اكله ومع ذلك ماشكيت حنى لاهلي
غير هالليله
انا بقول لكم ليش الحين انفجرت لاني مقهوره
انا مثل كل زوجه تحب تلبس وتكشخ وتتسوق وبيتها يكون احسن بيت وعيالها احسن لبس
واالله لبسي حق خواتي اخذ منهم بحجة اني بوفر لي فلوسي
مع العلم اني ماخذ مصروف من زوجي راتبه بس 3000 ويروح فيالدين كنت اشتغل براتب 1000 بس صارت ظروف وتركت مع ااني من تزوجت وانا بهالشغله واعطيه يمكن ثلاث ارباع راتبي واشتري لعيالنا + بناته انا مربيتهن
والله مافكر بنفسي بشي مع اني نغسي باشياء بس احرم نغسي عشان ماتضيق عليه
وهو طيييب حييييل وحنون ومخليني ع راحتي ان بغيت انام او اقعد بدري بكيفي اروح لاهلي كل يوم مايقول شي عادي اطلبه نتمشى يوديني وان قلت ابي معك بس اتمشى هاليوم مايرفض وان طلبته شي لو يببع جواله ويبيع ملابسه ع قولته بس مايخلي شي بنفسي
هو حتى جواله باعه لنا تقريبا من شهر 9 بالحيل ضايقه علينا اجوع حيل والله وان قال ناقصك شي اقول لا ومو مشتهيه شي وانا ابي بس اشوف مامعه نهاىي
مره كشفني الحس ملح بيدي بالصدفه ولا ماكنت بخليه يدري لما سالني قلت كنت تتكلم عن السمك واشتهيت شي مالح وراح تسلف وجاب لي بليلتها سمك
االي قهرني قبل شوي يسولف معي بشغله كنت بوقف فيها اطلع منها فلوس مع انها ماتطلع حيل وقالي اني مو مستفيده منها شي وبس اتعب وهو يوديني ع الفاضي وسكت ورديت قلت خلص اتركها
مامداني سكت انا و انفجر علي مالي احترام ولاتقدير ماتخليني اتكلم لين اخلص حمار انا حمار
بس قلت انت سكت وانا رديت وبعدين عادي اخذواعطي معك
مع انه هو لما اتكلم عليه احيان مايرد يكون سرحان يفكر ولاقلت شي وحتى سالني قال انا لما تتكلمبن اسوي شي قلت لا
لاني يابنات طايبه نفسي عن الدنيا والمجادل وكل شي والله
عاد ع طول قام بلطف الجو ويسولف وقال ادري انك محترمتني ومقدرتني ويضمني بس كنت ساكته منكتمه لان طبعي ان مارديت مارجع لطبيعتي وفوقها جيعانه لان عشانا جبن وفول وماكليت خلاص مابيه بس شوي تعشيت ولاقلت مابيه قال ليش ماكملتي قلت شبعت الحمدلله زانا بطني فاضي والعبره خانقتني من الجوع


انا اقولكن انصدمت من رده وسكت لانه تعبان هو من قبل نتكلم وكان منصغط من شغله وماديته
اللي قهرني كلمته مافي احترام وتقدير
طيب لو ماني مقدرته كان اخذ مصروفي ولاعلي من ظروفه وكان تكلمت قلت يدبر لنا اكل
الحين انا مخنوقه وش اسوي دلني ارد عليه واعلمه اني لو ماني محترمته ومقدرته ماني صابره بدون مصروف وبدون اكل
ولااسكت ولاجاء يكلمني باي موضوع انخرس لين يخلص ولاخلص اسلك له بكلمتين بس


رايكن عزيزاتي لاني تعبانه مالي حيل مناقش وربي







قال أحد الصالحين : لا تفكر كثيرا بل استغفر كثيرا فالله يفتح بالإستغفار أبوابا لا تفتح بالتفكير🌸🍃
-استغفر الله واتوب اليه. 🌸💭