السلام عليكم ورحمة الله و بركاته
موضوعي مو عن ولدي لانه اولادي الله يحميهم ويحفظهم لي لسا صغار مرررررررررررة وماكملو سنتين ونص زي ما هو موجود في التوقيع
بس موضوعي اني حابة أنبّه اخواتي اللي ما اتمناهم يطيحو في الغلط في بعض الألفاظ و هي كلمة
:26:{ ماصدقت على الله }:26:
يا اخواتي ما في شي ما يتصدق على الله رب العباد و مايجوز نقول هالكلمة لانها من لغو الكلام اللي بنتحااسب عليه الله يرحمنا برحمته التي ليس كمثلها رحمة
انا زيكم كنت ما اعرف معناها و دايما اقولها في كلامي الين وحدة الله يجزيها كل خير يارب وين ما كانت و وين ما دارت وجهها يارب نبهتني للجملة و انه ما يجوز نقولها مثلها مثل لا حول الله و الله له حول و له قوة و ما بيجووز نقول لا حول الله
احنا ما بنفكر بكلامنا و معانيه بس لااااااااااااااااااازم ننتبه له ونفهمه
و كمان كلمة
{الله يقرفك} ما أظن انه في احد فيكم فكّر في معناها مع انه الكثير منا بيقولوها حتى انا نفسي كنت اقولها و ما ادري برضو و من يوم ما صرت افكر في معنى الالفاظ اللي احنا بنقولها دايما بديت انتبه لكلامي و عرفت معنى الله يقرفك يعني الله يكسرك نصين يعني تنقرف نصين لانه القرف هو الكسر مو القرف اللي احنا بنعرفه
و صرت اموت رعب لما احد يقول لاولادي الله يقرفك او من هادا الكلام لانه مثلا وسّخ ملابسه بشوكولاتة او عصير و صرت انصح الناس و افهمهم معنى الكلمة و انتو كمان حبيت انصحكم هالنصيحة
و ما ابغى منكم الا دعوة لي ربي يحفظ لي اولادي و يهديهم لانهم مجننيني و ربي يبعد عن زوجي بنات الحرام اللي ما يخافو الله و يصلح حاله
و تقبلو موضوعي بين مواضيعكم وصدق محبتي
