ماعرفت لزوجي احترت فيه

بادخل في صلب الموضوع وباختصار
يااخواتي العزيزات ازوجي اخذته عن حب ولي ستين متزوجه والحمدلله الامور عاديه الوضع مستتب لكن طبعا لايخلو من المشاكل والزعل لكن يومين ثلاثه وترجع الامور طبيعيه
كريم مأدي واجباته العاديه اللي هي مصروفي كامل اغراض البيت ماتفضى طلبات ولده من كل زين
من هالناحيه ماعليه غبار
بس ياناس مستفز من ناحيه وغريب مافيه شي اطلبه ونفسي فيه ويوافق عليه مادري هو قاصد هي صدف ماادري
وهذا الشي دمرنفسيتي يعني مثلا طلبته نروح مكه نعتمر برمضان تحجج وبعدها راح يعتمر مع اهله لحاله طلبته نروح نسافر اي مكان بالصيف يتحجج طلبته نروح الشرقيه يومين رفض مع انه من النوع اللي يحب السفر وتوحمت بولدي على السفر وما سفرني مع انه كان حريص علي ومهتم فيني بس شي اطلبه لا يتحجج مادري ليه يرفض ويدري ان هالشي نفسي فيه
راتبه 16 الف ريال ومافيه اي ديون ولله الحمد
طليته نشتري شقه تمليك عليها عروض روعه مقدم عشرين الف ريال فقط وقسط شهري الفين بغيت اموت عليها اقنعته بكل الطرق والوسائل رافض ليه مدري في احد يحصله بيت ملك ويرفض بدل التمرمط في شقق الايجار والدفع كل سنه والشقه الملك مو خاسر شي الفين شهرين وهي الالفين لازم تطلع اصلا شهريا لشقه الايجار يعني هي هي
واذا مايبغاها بعدين يقدر يبيعيها
بس عيا وبدون اسباب واضحه قهرني
شقتي الاجار اللي ساكنه فيها تجيب المرض صغيييييييييييييييييره مره زي جناح تخيلو ماقدر استقبل فيها احد من صغرها مافيه مكان حتى اهلي ماقدروا يجوني ضيقه مره الشقه كتمت انفاسي وماهي برخيصه 22 الف طلبته نغيرها بشقه اوسع بنفس الاجار او حوله مليان بكل مكان رفض ويتحجج حجج تاااااااافهه
سيارته تجيب العله وقديمه طلبيته نغيرها راتبه عالي وماعنده ديون يقدر ياخذ افضل سياره ورفض ويتحجج قهرني مافيه شي اطلبه ويقول طيب
طيب ليش انا اعرف ظروفه ويقدر وانا ماطلبت لي شي او باسمي يالنهايه له ولمصلحته قبلي
قهرني ورفع ضغطي
ليه مايعيشني عيشه افضل وهو يقدر ليش وش قصرت فيه ليش مااعيش مثل كل قريباتي وازواجهم اقل منه بكثير
وللمعلوميه هو كريم مره بس تصرفاته غريبه وتقهر
شورو علي انا ازودها او من حقي واذا انتي مكاني بتفكرين نفس تفكيري او بالطقاق بكيفه
ماقدر اطنش انقهر كل مااشون انه يقدر يعيشني افضل
وش الحل :44: