ماقصرت سويت اللي علي بس وش الحل لمشكلتي

مساء الخير يابنات أطلب مساعدتكم بأفكار وحلول جديدة لمشكلة أختي
بقولكم قصتها
أختي لها خمس سنوات متزوجة طول هالفترة تقول ماأحس إن زوجي عنده رومانسية مايقولي كلام حب ولا غزل ولاحتى يضحك وينكت معي وكل ماسألته قال والله عندي ضغط في العمل وتعبان ومتضايق والمشكلة يطلع الصباح ويجي العصر وغالبا يدقون عليه الشركة ويطلبونه ويروح لهم مرة ثانيةحتى أيام الإجازة أحيانا يروح وإذا جلس تقول مايحب يطلع نتمشى أونتعشى مع بعض لأ يحب يجلس في البيت يرتاح تقول إذا كان فيه يوم إجازة وعرفت إنه بيجلس في البيت أسوي له برنامج سهرة أسوي عشاء وألبس وأكشخ ونتعشى على ضوء الشموع والموسيقى الهادية وعقب أرقص له تقول كذا مرة أسوي له هالحركات بس ماأحس ولا مرة تجاوب معي يعني يمدحني يشجعني أو بس كلام حلو يطلع منه أو لمسات حنيه ودايم يقول ضغط عمل وأحيانا يسافرون ولا يطولون يومين ثلاثة بالكثير وإذا رجعت نقولها حلو تغيير جو بس ماأحسها تنبسط تقول نفس الروتين اللي عايشينه ينوم بدري والصبح يقوم بدري مافيه سهر أوتغيير شوي عن العادة وأحيانا يسافر لحاله وإذا رجع تقول ماأحس إنه مشتاق لي مثل ماأنا أشتاق له يعني مافيه تجاوب ولا رومانسيه من ناحيته ودايم تشكي لي وتقول لو أدري إن الزواج كذا ماتزوجت وآخر مرة كلمتها قالت أنا عند أهلي بقعد كم يوم يمكن يحس فيني ويفقدني ويشتاق لي حسيت إنها من جد نفذ صبرها كل وحدة تتمنى وتنبسط إذا حسسها زوجها بحبه لها بكلامه وعطفه وأفعاله
هذي مشكلتها أنا أحس إنها ماقصرت سوت اللي عليها واللي كل رجال يتمناه بس ماأدري وش القصة ماأظن إن كل هذا من العمل يعني لو كان عنه ضغط في العمل مو طول السنة أو يرجع البيت طفشان زوجته وش ذنبها طيب أنتو وش رايكم تعتقدون هذا طبعه خلاص مافيه أمل منه بس ماأتوقع فيه رجال مايحب الرومنسية والدلع أو إنه معقد مثلا ودي أسمع نصايحكم وآرائكم بس لاتطولون علي وجزاكم الله خير والله يصلح الحال