ماكتبت الامحتاجة ارائكم عساها الفردوس اللي ترد وتنصحني

السلام عليكم ورحمة الله وبركاته
بالمختصر انا انسانه احب الناس والاجتماع والزيارات بالحدود اللي ترضي الله وواحد من اخواني مره قريب مني ويفهمني بعد ماتزوج فرحت بزوجته وعاملتها اكثر من اخت وهذا شيء فذمتي وبيني وبين الله وانا بتحاسب عليه المهم صارت مشكلة بينه وبين زوجته وبين امي الغالب عليها كان غيرة امي الشديدة منها وامي كانت تجي عندي وتقول اكلت فلوسه صار ماعاد يعطيني ومن هالكلام انا ارد على امي من باب المواساه اقول لها زادت عليه الضغوط وهي بحاجة شغالة عشان الاطفال كنت ادور لهم العذر والله العظيم على نيتي
وبعد ايام جا اخوي لامي وقالها ليش زعلانه قالت لان زوجتك تتصل على اختك اللي هي انا وتقول ابي خدامة وابي اتوسع فالبيت 😔
وهي والله ماقالت لي شيء ولابيني وبينها هالمكالمه فجأة زعل اخوي علي طبعا واجهته قلن اشفيك ليش متغير علمني بكلام امي وحلفت له بالله اني ماقلت كذا وعطيته جوالي قلت شف ان كنت كلمت زوجتك اولا ... قال ادري بس امي تغار من زوجتي مشي الموضوع وخلصنا وقتها لاحظت على زوجته انها تغيرت علي وكم مرة اعزمها ماترد انسحبت بهدوء وتركتها براحتها


وهذي السنه رحت للحج مع اخوي الصغير وزوجها اللي هو اخوي الثاني وهي وقبل طواف الوداع قالت لي شوفي انا بفتح صفحة بيضا من جديد معك وانا مسامحتك لاني كنت احبك مرررة بس اني زعلت لانك طلعتي علي كلام قمت قلت ما احتاج تسامحيني لاني ماغلطت وحلفت يمين ان السالفة كذب واني انظلمت فيها


ي بنات الحمد لله اني اكتب لكم مظلومة ولست بظالمه الحمد لله ان ربي نصرني واظهر الحق سبحانه ربي سنتين وانا اقول ليش متغيرين علي وربي اظهر الحق


لاكن بيني وبينكم انا مجروحة في داخلي ضيقة ليه امي اتهمتني ظلم وكيف اخوي يروح يقول لزوجته عني
صحيح الطيب ماله مكان بينهم
الحين انا خلاص بعتزل مجتمعي كثير جتني صدمات ماعاد اقدر اتحمل زيادة انصحوني وجهوني كيف اتعامل بحذر كيف ما اخلي احد يطلع علي كلام ولا يستغل سكوتي لي سنتين صابرة واعاني من جفاف المعاملة من اخوي وزوجته وربي فرجها علي فالحج الله لايوريني فيكم مكروه ويبعد عني وعنكم عيال وبنات الحرام ويجمع حولي وحولكم الاخيار ويبعد عننا الاشرار ان الله على كل شيء قدير
ومشكورين لكل من قرا موضوعي ورد او مارد وسلامتكم