مالي بعد الله غيركم

مساء النور والنوير حبيباتي غالياتي وخواتي ..شلونكم؟ سبق كتبت موضوع وبرجع اعيده لاني ماحصلته واحتاج ردودكم ودعواتكم نفسيتي تعبانه حيل مابي ردود تجرح
انا متزوجه وعندي بنت ٧ سنوات عمرها وولد ٥ سنوات
الولد عنده فرط حركه وتشتت انتباه وسمات توحد (ليس توحد الحمدلله فقط سمات)واراجع فيه بالاسبوع مرتين الى٣.احس بتعب نفسي فضيع من كل شي بنتي انسانه ماتفهم مهما تكلمت ومهما نصحت ووجهت ابدا ولكني اتكلم تكرمون الحمام من بعدها وصخ وملابسها مليانه وصاخه تعبت اعلمها واوريها واشرح لها حتى اخوها مثلها الحمام بعدهم مايندخل ياكلون ويرمون الزبايل بالارض والقراطيس حطيت بكل مكان زباله بكل زاويه ولاحياه لمن تنادي والبنت الله يهديها بدال ماتعقل اخوها هي تنهبل معه ماتقول عيب حرام ماما تتعب دايم اقولها انتي الكبيره العاقله الفاهمه واتكلم عليها لكن ابد ماتفهم اجيها بأسلوب عقاب ماينفع هواش اهاوش تضحك تموت ضحك اجي بأسلوب نصح ولافي اي فايده تعبت منهم ومن تربيتهم طول يومي وراهم تعبت انظف مكان يدمرون اللي بعده وهكذا يومي كله انظف والبي طلبات وادرس احس خلاص طاقتي نفذت وزوجي ابدا عايش كنه بفندق البيت للنوم مايعلم ويوجه ويشيل الحمل معي اذا تكلمت ساكت اويقول انتي ماتعلمينهم ..انا تعبت وانا اعلم نسيت نفسي اهملت نفسي وفوق هذا عندي ضغط دايم مرتفع واخذ مغذيات منه هذا غير ولدي اللي ماينصبر عليه💔ولا عندي خوات وامي ماتبي الاطفال ولاتتحملهم وام زوجي حرمه كبيره بالسن عيب اوديهم لها تعبت يابنات انحرمت من الطلعات ومن كل شي حياتي مكرسه لخدمتهم هم وابوهم زوجي انسان مايهمه بيته واثاث بيته ماعمره قال نفرش نأثث ولاشي قسم بالله استحي اعزم الناس ببيتي 💔💔اشوف الناس عنده ٣ و٤ و٥ اطفال مايعانون معاناتي اطفالهم يخدمون انفسهم ع الاقل ينظفون نفسهم من الوصاخه يرمون زبالتهم بالزباله مو زي عيالي احسهم يعاملوني زي العدو وعناد ومداحر ليل ونهار ماكني امهم
صراخ ولجه طول اليوم واذا قلت لبنتي تعالي نذاكر قالت بلعب بلعب واذا جا الليل جت ونصها نوم ماتبي اذاكر لها ادري بنات كلامي مو مرتب لكن نفسيتي تعبانه حيل اكره بيتي واكره كل شي احسه سجن ودوام مو بيت ماذكر بيوم ارتحت فيه وقت مرضي وقت تعبي ماحولي احد بس هم وطلباتهم ابي وابي وكل واحد يبي اكل نوع وكل واحد يبي صحن بروحه ..ودي اطلع اغير جو واذا طلعت الطلعه كلها نكد وصراخ وصياح وعناد صرت بيتوتيه كل شي تركته عشانهم قاطعت العالم ولدي اذا راح للناس طلباته مراوح وغسالات واشياء غريبه ويصيح وابي هذا وصراخ 💔عشان كذا خلاص تركت العالم وزوجي انسان بارد ثلج صامت وجوده وعدمه وواحد عمري ماحسيته يحرك البيت حياته كلها نوم وفراش وطالع برا اتعب وامرض ولاهمه 💔ادعوا لي يابنات