مرحبا
مامليتوا من الخلطات والريجيمات اللي ملت ادراجكم؟
ما زهقتوا من البحث عن الطرق والكريمات اللي تخفف الكرش بدون فايدة تذكر؟
ما حسيتوا بالاحباط بعد كل محاولة انقاص وزن فاشلة ؟
العن شي وابيخ شي
لما تكونين في قمة النشاط وفي اوج الاستعداد للبدء بريجيم والعزيمة فوق هام السحب:icon28:
وتجهزين ريجيم معين وتشترين الاكلات المطلوبة وتعقدين العزم على المقاومة خلاص
لازم اتغير
لازم اسوي ريجيم
لازم اضعف
غيري مو احسن مني:icon28:
وفي نفس اليوم الوالدة طابخة ذيك الطبخة اللي تسيل اللعاب:angry2:
او الخوات بالبيت بيطلبون بيتزا
او الزوج يعزمك على مطعم
او اهل الزوج عاملين عزيمة ولازم تحضرينها
وكل الاكل اللي راح يكون موجود هو المفضل عندك ولا تقدرين تقاومينه:angry2:
هذا يخلينا نتراجع ونقول
( مو مشكلة بكرة ببدي او ليش بكرة!
احسن
من بداية الاسبوع علشان يكون جدول الريجيم منتظم وما تتلخبط مواعيدي ! )
وبداية الاسبوع هذا تصير بداية الاسبوع اللي وراه واللي وراه الى ان ينتهي بك المطاف باكتساب المزيد من الكيلوغرامات المقرفة والمزيد من الكسل:09:
احنا ليش كسولات ؟
ليش اتكاليات؟
ليش نبي اوزاننا تنزل من غير اي جهد؟
اي وحدة فيكم لاتقص على روحها وتقول لا من يقول ؟ انا مو كسولة
لا من يقول ؟ انا عندي عزيمة
لامن يقول؟ انا اقدر اسوي كل شي وقت ما ابي بدون لا اتراجع
واهيا قاعدة بمكانها ما تتحرك ولا عندها استعداد جسدي لفعل اي شي
حماسها ما يتعدى كونه تفكير ورغبة وامنية فقط ( يعني بالاحلام وبس )
او نقول:
كله من التكنولوجيا اللي سهلت لنا كل شي
او نقول:
ماعندنا ميزانية تسمح لنا ندخل نوادي طول السنة او نتعامل مع اشهر اخصائيين التغذية مثل الممثلات وعارضات الازياء !
او نقول:
الناس تحبطني
البيت مايساعدون
او نقول :
ما اقدر استغني عن الاكل
احب هالنوعية من الاكل لو ما اكلته احس باكتئاب
وكلها اعذار واهية وكلام فارغ والقاء المسؤولية على القدر والزمن ومن حولنا من البشر
التكنولوجيا سهلت الشغل وقللت من الوقت المبذول في العمل
مما يعني وقت فراغ اضافي
مما يعني بالنسبة لنا الكسولات :
( برتاح اليوم طول الاسبوع بالشغل طول الوقت ادرس طول الوقت مقابلة الكمبيوتر اطبع، اليوم اجازة بنام وباكل وبقعد ماني متحركة )
لييييييييييييش؟
هالوقت لو احنا اذكياء وعندنا ارادة كافية
نستغله في الرياضة
بس مانبي نبذل جهد
نروح نشتري احزمة السونا الهزازة او شورت السونا الحراري ونشرب بهالاعشاب والزهورات ونبلع بهالحبوب المفقدة للشهية !
وبعدين النتيجة ؟!!
نحافة + ترهل بشع
شنو استفدنا
نقول ياريت نرجع نسمن علشان نملي هالترهلات وترجع تنشد مرة ثانية علشان نبدي صح من البداية
لييييييييييييييش ؟؟
ليش مو من البداية نبدي بالطريق الصعب الصح
بدل الطريق السهل الغلط !!!!!!
نبدي صح
نضغط على انفسنا شوي
ريجيم اوكي مو مشكلة
اعشاب احلى واحلى
لكن نسوي رياضة
رياضة المشي بروحها مو كافية ، نقص على روحنا نقول نمشي كل يوم بس
يبيلنا رياضة شد البطن وشد المعدة
رياضة شد الارداف ورفع المؤخرة وشد الافخاذ
رياضة شد وتكبير او تصغير الصدر علشان لايكون شكله مقرف بعد الريجيم
الوزن اللي خسرتيه عبارة عن دهون ومياه كانت مالية الجلد وشادته
مافكرتي لما تخسرين هاللي كان شاد الجلد
شبيصير بالجلد؟
وين يروح الجلد الزايد؟
بيتدلدل زي القرف !!!
بتقولين انا ماعندي ميزانية حق النوادي
اقولج مو مشكلة اشتري اشرطة رياضة تفيدج وابدي بالرياضة بالبيت
بتقولين انا احب احد يشجعني
لما اشوف ناس متحمسين ويلعبون اتشجع
بقولج مو مشكلة
تبين تتشجعين صح
خلي احد من اهلك يعلب معك رياضة
خواتك
بناتك
عماتك
خالاتك
ولو ماتوفروا لك كل يوم.....
منو من الفنانات عاجبك جسمها وودك تصيرين زيها؟
الصقي صورها حولك بالغرفة اللي تبين تلعبين فيها علشان تطالعينها وتتشجعين
الحل الاخير علشان تتشجعين لو ضاقت بك الحال
فكري في وحدة من العايلة قاهرتك وجسمها حلو
وحدة انتي ماتحبينها وودك تقهرينها
وحدة دايم تتفلسف عن نفسها
حلوة من بره وماتنطاق من داخل
فكري انك لازم تعملين لنفسك اكستريم ميك اوفر
علشان تقهرينها وفي نفس الوقت تكونين حققتي هدفك بالرشاقة بدون ترهل
انا وحدة اتبعت الطريق السهل الغلط واعترف بهالشي
وهذا اللي خلاني افضفض بما في جعبتي اليوم
سويت ريجيم قاسي
نزلت عليه 20 كيلو في شهر ونص
النتيجة
الوزن المثالي اللي طالما حلمت فيه
لكن الجسم كان جسم عجوز وانا عمري كان 21 !!
صدري كان اشبه بجورب مملوء بالرمال !!
التجعيد ببشرتي كان مأزمني
تخيلي حالتي النفسية
يافرحة ماتمت :(
والنتيجة اني بعد 6 شهور من الوزن المثالي الثابت
رجع وزني كله ورجعت مليت الترهلات كلها
وتميت على هالحالة سنتين متأزمة ومكتئبة
لكن صارلي فترة افكر بوضعي
انا ماتزوجت للحين
والف الحمدلله انه ماصار
لو صار شلون بوري زوجي جسمي
شلون بلبس قمصان النوم وبتدلع
يافشلتي يافشلتي
الجسم لوعة وقرف
رحت
وشريت اشرطة رياضة
وشريت اكلات خاصة بالريجيم
وفكرت بكم طريقة تخليني متحمسة ومتشجعة طول الوقت
وصارلي اسبوعين احاول انزل اول 5 كيلو من الوزن لكن النتيجة فقدان كيلووين فقط
قلت بعد اول 5 كيلو بخفف من قسوة الريجيم و بلعب رياضة وبشد جسمي
بعدين انزل 5 كيلو ثانيين وبعدين العب رياضة علشان اشدهم
وهكذا الى ان اوصل للوزن المطلوب
والله كريم
اخيرا وليس آخرا
سوري على الكلام القاسي
لكن لابد منه لكي نبدأ صح
من جديد
ميرسي
.
.
.
Dominique @dominique
عضوة فعالة
يلزم عليك تسجيل الدخول أولًا لكتابة تعليق.
اااااااااااااااااااااه آآآآآآآآآآآآآآآآآآآآآخخ اااخ
جبتها ع الجرح خخخخخخخ
والله تعب نفسي وجسدي :(
انا بموت واوصل وزنى المثالى ياااااارب يارب يقدرنا ويصبرنا
بس انا ماحافظت ولاكان جسمى الحين حلووووووووو اخ اخ ياقلبي من هالاجسام
مع ان الناس برضو يحطمون تجين تتكلمين يقولون والله جسمك مافيه شي دلع زايد احمدى ربك شوفي غيرك خخخخخخ
جبتها ع الجرح خخخخخخخ
والله تعب نفسي وجسدي :(
انا بموت واوصل وزنى المثالى ياااااارب يارب يقدرنا ويصبرنا
بس انا ماحافظت ولاكان جسمى الحين حلووووووووو اخ اخ ياقلبي من هالاجسام
مع ان الناس برضو يحطمون تجين تتكلمين يقولون والله جسمك مافيه شي دلع زايد احمدى ربك شوفي غيرك خخخخخخ
والله انك صاااااادقهوالله انك صاااااادقه
monsaf
العفو حبوبة مرورج والله اروع
صح بسرعة نمل
المشكلة ان نبي ننزل بسرعة
انا وحدة ماكان فيني صبر ابي اضعف بسرعة
بس ماتوقعت ان جسمي بيترهل جذي
************
لووووووووووول ماعليك من كلام احد
خلي عزيمتك فوق فوق
حتى لو هم شافوا جسمك مو محتاج
انتي ادرى بجسمك ومتطلباته
************
prettysoulful
مشكورة حبوبة على المرور
ميرسي كلكم
.
.
.
العفو حبوبة مرورج والله اروع
صح بسرعة نمل
المشكلة ان نبي ننزل بسرعة
انا وحدة ماكان فيني صبر ابي اضعف بسرعة
بس ماتوقعت ان جسمي بيترهل جذي
************
لووووووووووول ماعليك من كلام احد
خلي عزيمتك فوق فوق
حتى لو هم شافوا جسمك مو محتاج
انتي ادرى بجسمك ومتطلباته
************
prettysoulful
مشكورة حبوبة على المرور
ميرسي كلكم
.
.
.
والله كل كلمة كتبتيها صح .. مدري إحنا لي متى بنتم جذي نتكلم وآخرتهاااا بالهوى ..
يسلموو .. وإن شاء الله تنحفين وننحف وياج من غير شر ..
يسلموو .. وإن شاء الله تنحفين وننحف وياج من غير شر ..
الصفحة الأخيرة
صحيح الي قلتيه ومثل ما قلتي نهب اول فتره وبعدين نتكاسل مدري شنو السبب
في بنات من سنين يسوون رجيمات وما بينت معاهم النتيجه
خلونا ننزل حبه حبه احسن
عاد انا جسمي بروحه ينزل شوي شوي غصب يتحرك هل ميزان
مشكوره على كلامج