مامي مرتاحه معاه

السلام عليكم ورحمه الله وبركاته
مشكلتي باختصار اني انا سبق وقلت اني اعاني من وسواس قهري شديد وفي بعض الاشياء مقصره بحق زوجي ولكن احاول اني ما اقصر لكن الضغط والتوتر اللي اعيشه يجعلني اقصر في بعض الامور البسيطة المهم طبعا سبق وقلت لزوجي عن مرضي وطلبت منه العلاج لكنه عصب وانكر المرض مشكلتي حاليا هو زوجي طبعه عصبي ويتنرفز لاتفه الاسباب ويتدخل بكل شيء حتي ببناتي يعني مثلا يقص شعر بنتي علي كيفه يتدخل في امور ترتيب المطبخ وطبعا كل قطعه في البيت هو يشتريها من اثاث وملابس للبنات علي ذوقه طبعا ياخذ راي وان قلت مو حلوه قعد ينافخ ويتحطم وبالاخير ياخذها وما يهتم لراي 
طبعا اهو مضغوط اكيد لانه ما عنده وظيفه اي دخل ثابت يصرفه علينا يعني قاعد يشتغل ويجيب لنا فلوس بس هذي مو عيشه قاعده ببيتي وعايشه بتوتر وقلق طبعا اي شيء اساله عنه يقعد يصارخ ويسبب لي مشكله صرت اتحاشاه وما اكلمه الا نادر 
طبعا في كل مرة افكر بالطلاق لاني انا عايشه معاه بخوف وقلق 
وطبعا انا ما اقدر ازعل واهو يدري ليش ما اقدر ازعل واروح لاهلي لانه يهددني انه يعلم بتقصيري في بعض الامور بسبب مرضي 
فهو قاعد يذلني وضامن اني ما اقدر ازعل
بنات فيدوني انصحوني صرت معاه بدون اي مشاعر ولا احاسيس اعتبر نفسي مثل الاله اللي ملزومه تخضع له وتنفذ كل اوامره
ونسيت ما اقولكم انه دايم يقولي بانه قلبي اسود ولما يشوفني قاعده استغفر يقولي كل صلاتك واستغفارك ما تفيدك دام اني مو راضي عنك وطبعا دايم يحطمني بعبادتي اني انا ولاشيء وساعات ابكي واصدقه واحس اني فعلا ربي ما يحبني ودايم يقولي بعد انه ربي ما يوفقك لان قلبي اسود وساعات يمدح بنفسه وبصلاحه في دينه علي فكرة انا ملتزمه بديني وبصلاتي واهو ملتزم بس ساعات ياخر الصلاة يقعد يلعب بتلفونه واهو للحين ما صلي