ماندم من استشار

يالغاليه ممكن تصلحين حلى أو كيك ترسلينه طبعا وقت العصر
أو تصلحين صينيه باشميل أو صينيه خضار أو أي شيء من الي تعرفين تتطبخينه
ترسلينه كعشاء أوغداء اذا تبغين طرق ماشاء المنتدى مليان حلويات وأطباق ساخنه
اتمنى افدتك يالغاليه تقبلي مروري

انا اشوف ان الفكرة من اعطاء الجيران أكل هو تذويقهم الأكلة اللي طبختيها اليوم لبيتك، واحس اكثر شيء يرسل للجيران هو الاكل الشعبي مثل الجريش والمرقوق

واقترح تصلحين جريش او مرقوق من الوصفات اللي في المنتدى واحسبي حسابك على ضعف الكمية اللي تعملينها لبيتك وارسلي لها وذوقيها طبخك

مره طرشي لها حلو مره طرشي لها كيكه مره صحن فطاير مره صحن من غداكم يعني نوعي حبيبتي .. احنا جذي عندنا في الفريج .. ساعات نسوي غدا ونزيد الكميه ونطرش منه للجيران ساعات نطرش لهم كيك ساعات حلو .. حلوه هالحركه تعجبني ان الجيران يطرشون حق بعض حتى ان الواحد يحس ان الاكل فيه بركه والله لان كل مشروك مبروك :)