ماندم من استشار !!

السلام عليكم ورحمة الله وبركاته .. صباح الخير ..
بداية يوم جميل اتمناه لكم ..
حبيباتي حابه استشيركم ف موضوع ..
هنا https://www.hawaaworld.com/showthread.php?t=445567... اخر موضوع نزلته ..
بعد مانزلت هالموضوع طلعت في وحده تعرفني وكلمتني على رقمي الخاص ونصحتني استمر في قراءة سورة البقره والتزمت عليه وعلى لا إله إلا الله وحده لاشريك له له الملك وله الحمد وهو على كل شئ قدير 100مره صباحاً ومساء .. وفوضت امري لربي
الحمد لله خلال فتره قصيره جاء زوجي وقال انا مستعد اسامحها لوجه الله وارجعها واستخرت ربي ورجعت وحط لي غرفه وحمام يعني جناح خاص قعدت فيه فتره قصيره وقرب ولادتي زوجي قال جمعي اغراضك روحي لاهلك بعد ولادتك قلت حاضر .. علما باني رجعت له بشخصيه ثانيه .. انا ما سألته ليش اروح لاهلي جاء اليوم الثاني قال جمعي كل اغراضك وروحي لاهلك انا باخذ لك بيت قلت الله يكتب اللي فيه الخير ولدت ولله الحمد رحت لاهلي لازمت الاستغفار .. خلال 20 يوم بفضل الله اخذ لي شقه ولله الحمد وجيت بيتي ..
حكيت الاحدث لمن يهمهم امري وشكرا لكل من سأل عني ..
اللي صاير ان زوجي يقول انا حلفت بالمصحف اني اذا رجعتها ما اخليها تحضر زواج اخوانها .. وزواج اخوي قريب إن شاء الله الله يتمم له على خير .. زوجي يقول اذا رحتي انتي طالق طبعا اذا رحت بينتهي كل شئ .. تكفون ساعدوني ايش اسوي .. وكيف اعتذر من اهلي واخواني والله اني في حيره تكفون ارشدوني للصواب .. اهلي يتجهزون وانا فيني برود احترت .. ايش اسوي .. لاتبخلون علي ب ردودكم وارائكم الحيكمه ... الله يسعدكم