ماني مرتاحه مع زوجي وفي بيتي

اسعد الله اوقاتكم
ياجميلات مو مرتاحه بحياتي ومتردده كثير ومليون فكره تجي براسي مرات اقرر الطلاق ومرات اتعوذ من الشيطان
انا بفضل الله ومنته توظفت مو بحاجه لزوجي ماديا
وهو من اول مطلقني مرتين الحمد لله
بس فيه مميزات قليله جدا مثل يجيب ويودي ويجيب اكل للبيت ولو كان فقط يسد الجوع يعني أساسيات الطعام وانا علي الطبخ وبعد يدفع الفواتير الحمد لله
اللي مضيقني فيه انه عادي جدا يبيعني بتراب ما اشكل له أهميه ايضا هذا مو مهم لكن عيالي يخلي الناس تتحكم فيهم وتاخذ اغراضهم من زمان كذا اقول ادافع عن عيالي مافي فايده بالاخير كلمته عي اللي تمشي ع سبيل المثال
صديقه قال ابي اشري سوني لولدي ولد صديقه قال لا لا لا تشري انا اجيب لك سوني العيال وفعلا امس اخذها من ولدي وهو يبكي ويصيح ويوم يشوفه يبكي يقول لعنته تلعنك ع ولدي يعني ينزل دمعه ولده علشان يرضي الناس مو ان محد غاصبه ع شي
وهذا غيض من فيض يعني نقطه في بحر ياما وياما وياما اخذ مني بعلمي وبدوون علمي واخذ اشياء عزيزه على قلبي
تقولين دافعي عن حقك وحق عيالك ماخليت شي مابقى الا سويته ماغير الحين اتحسب عليه فحسبي الله ونعم الوكيل فيه
مو ع السوني الجهاز انه اخذه بس علشان دمعه هالطفل وياما وياما حزنهم وبكاهم
اللي يقهر انه لطيف جدا جدا جدا مع الناس ومع عياله اللعنه دايما ع لسانه عليهم ويقلل من شأنهم ويحتقرهم بالبيت وقدام الناس فحسبي الله وكفى
بعد يكسر قلوبهم يعطي الكل فلوس ويبارك لنجاح اولاد الناس ويفرح لهم مع ان عيالنا متوفقين واذكياء لكن يحاول بكل مايقدر انه يحطمهم ويقلل من شانهم ولا يسمعهم كلمات ترفع المعنويات
نجحوا وجاب امتياز ولا حتى قال لهم كلمه مبروووك
فحسبي الله وكفى انا في حيره من أمري ودي اطلق منه لانه طايح من عيني والان انا موظفه ومستقله ماديا ووودي برجل اخر غيره
ومرات اقول لا امسك مجنونك لا يجيك اجن منه
فمتضايقه كثير ولا ابي اشتت عيالي يكفي عليهم ابوهم مابي ازود همهم واخلي الناس تركب عليهم زياده
مجرد فضفضه