ماهو سر توم جيري؟

السلام عليكم اخواتي العزيزات
حبيت اكتب هالمره عن موضوع ممكن لاحظه بعض الناس وممكن لا وبالذات الامهات
وهو يتعلق باطفالنا الاعزاء(الله يخليهم لنا ويصلحهم)
وهو سر حب اطفالنا وتعلقهم لافلام الكرتون ( توم وجيري )
يعني اي مسلسل غيره سواء كان قديم او جديد لايغني عن توم جيري
مهما احتوى على مغريات من الوان او سيناريو او اغاني فتوم وجيري محتل المركز الاول وبجداره
فتلقون الاطفال يتسمرون قدام التلفزيون وقت عرض توم جيري والمضحك ايضا(وهذي صارتلي )انه تلقون الاهل بدون مايحسون يتابعون ومندمجين ااااااااااااااخر اندماج
حتى مره كنت اسوي العشى بالمطبخ :angry: وفجاءه ماعاد اسمع حس للعائله الكريمه انا طبعا قلت غريبه اكيد في شي فجيتهم لقيتهم كلهم يتفرجون توم جيري من ضمنهم ابوهم:arb: هههههههههههههههههه وااااخر اندماج:42:
بعدين وين ماتروح تلقى توم جيري بالسيارات تلقون البوم سيدهات كلها وم جيري ----الجوالات تلقون الاهالي يحملون توم جيري لعيالهم --------- والكمبيوتر بعد
والغريب انه حتى حنا يالكبار نحب نتابعها
فانا اتوقع ان السر هو ببرائه السيناريو وتمحور المسلسل حول الفكاهة اكثر من اي شيء
وانا صراحه اعتبر توم جيري كعلاج نفسي يشمل العائله كلها دون استثناء واجمل مافيه انه يجبرنا على الضحك في زمن قل فيه
فعشان كذا صرت احب (زمان) اوقت الساعه للمسلسل في احد القنوات اللي تعرضها بشكل يومي عشان يتابعونها عيالي لكن الحين مايحتاج حافضين وقتها:icon28:
فحبيت اعرف رايكم يااخواتي الامهات
وشكرا