مايبغى يراضيني ....وهو اللي زعلني ..

http://m.forum.hawaaworld.com/showthread.php?t=4000860

السلام عليكم ورحمة الله وبركاته
مبارك عليكم الشهر الفضيل
الرابط اللي فوق يحكي قصتي...
هو بعد مااخذ مني الجوال رحت وراه على غرفة النوم وقلت له لو انك انسان نظيف كان مادخلت علي بالهجوم الغريب اللي شفته منك..قام يصرخ ويقول لي اطلعي من الغرفة ماأبي اشوفك..زعلت واخذتها في نفسي يطردني من الغرفة عشان رسائل ما أدري ايش اللي فيها..ومن مين...ومع مين..وليش صار يعمل كدا ... اليوم الثاني بعد ماصحي وكان يوم السبت الماضي. ..يقول لبنتي روحي قولي لأمك اعملي الغداء ...وأنا قررت إني ماراح أعمل له أي شيء يخصه من غسيل وكوي وأكل وشرب ...إلى أن يراضيني. ..اللي سواه بالنسية لي اهانة لي نفسي ...وياما زعلت منه وارجع له من غير ما يراضيني ...اللي صار إني قلت لي بنتي قولي له ماما ماراح تعمل لك غداء ....تكرر طلب الغداء ثلاث مرات ....عندها دخلت عليه وقلت له ...اسفة ماراح أقدم لك اي خدمة من الخدمات اللي تريحك وتبسطك الى ان تراضيني ...قال ليش إيش عملت ...قلت له تصرخ في بدون اي مقدمات عشان ولد أخوك. ..وياما سويتها معايا عشان خواطرهم وسكتت ...وتطردني من الغرفة عشان رسائل مشبوهة. ..انت اهنتني ومستحيل أنا ارجع ادخل الغرفة اللي بعد ما تراضيني بالشيء اللي احس انه يستاهل تراضيني فيه ...كان جالس على جهاز الكمبيوتر. .ويصرخ إنتي شيطانة ....حسبي الله ونعم الوكيل. ...من يوم 22/8 ..إلى اليوم ...ماحاول يراضيني بأقل شيء ممكن إنه الزوج يراضي فيه زوجته ...وامس ليلة رمضان. ..قبل مايخرج يقول لبنتي قولي لامك بابا يقول لك كل عام وانتي طيبة. ...مارديت عليها..وخرج..بعد التراويح يتصل على ولدي ويقول له أمك راح تعمل سحور..قلت له لالا ماراح اعمل له..راح اعمل لكم بس ..
يااخواتي هو ما يبغى يراصيني وانا ما أرضى لنفسي اشتغل له زي الخدامة ومالي قيمة..للأسف عرفت قيمتي عنده ...اكل وشرب ولبس ومضجع ...ليش؟  
ترى أنا طلبت الرضوى لانه يعرف يراضي اب أحد زعل منه.الا انا ..ودايما لما يزعل بنتي يقول لها اليوم راح اوديكي البقالة عشان أنا زعلتك..فأنا اقول له. .وأنا ياما زعلتني ولا فكرت تراضيني بشيء..يسكت ومايرد علي..حتى اخواته لو زعلهم يراضيهم ..ليش ؟مالي مكانه ..
إيش رأيكم؟  
قررت اصبر الى الجمعة..إذا مافكر ولا حاول يقدم لي شيء راح ارفع الموضوع إلى اخواني. ..وحسبي الله ونعم الوكيل