السلام عليكم
حطيت موضوع قبل 5 شهور يمكن لكن انحدف قبل لا حتى اقرا ردودكم وما استفدت شي.. ويمكن مشكلتي الاولى سبب مشاكلي دحين ماااا ادري والله.
عنوان الموضوع الاول كان (متزوجه من شهر وللحين بنت .. ما احس بشي) وما عرفت بمحتوى الموضوع الا من رسالة اخت هنا في المنتدى رزقها ربي الجنه تنصحني فيه كانها امي.
خلوني احاول مره ثانيه و اكون جدا صريحه معاكم واسالكم بالله انكم تعطوني حل سليم عاقل بدون اي مجاملات او الطلب مني بالصبر لاني انسانه تعيييييسه بمعنى الكلمة
انا بنت من عيله مستواها المادي ممتاز، مثقفه وحاصلة على شهادات عالميه، جميله، اجتماعيه، مؤدبه، ومتربيه على الالتزام والاتيكيت
انخطبت كثيييييييير لكن سبحان الله ما رضيت الا بزوجي الحالي لانه يقرب لي من بعيد و اتوقعت انه بنفس طباعنا وانشهر بطيبته اخلاقه التزامه وشغله
طيبته والتزامه كانوا اهم شي عندي فوافقت.. اتزوجت ومن بداية الخطوبه ما حسيت باي شي اتجاهه ابدا ابدا ابدا لين يوم الزواج وانا بس استخير (ادري غلطانه) لكن ما حبيت اعطي للشيطان مجال وكملت وكنت ملاحظه الاتي:
- ايام الخطوبه ما قد غازلني ولا لمح على العلاقه الحميمه
- هداياه كانت محدووووده وما تنعد باصابع اليد الوحده
- كان يلمح انه يبى يسافر و يسكن في البلد اللي انا كنت ادرس فيها وعندي جنسيتها وبالتالي يقدر هو كمان يحمل الجنسية
- كل ما طلبت شي للبيت كان يقولي آمري اعتبريه تم
- عمتي (اي حماتي) كانت تقول لامي انه الولد مقدور وما راح يقصر
اخواني جدا محترمين ومن حيائهم وكرامتهم ما قد سالوه حتى على راتبه ولا اشترطه المهر على اساس انهم مشتريين الرجال. للزواج دفعنا اضعاااااف اللي دفعوه وكان من مبدا انه زواج بنتهم وعادي..
اتزوجت ومن اول يوم حسيت نفسي جالسه امثل دور العروس.. ما حسيت بشي وانا اللي اتوتر واستحي على طول في العاده.. ما سوينا شي اول يوم.
سافرنا لشهر العسل ومن 6 يوم لقيت رساله من وحده "صديقه" تعاتبه فيها انه انقطع عنها وما يسال.. للمعلوميه انا ما فتشت جواله بس والله الرساله طلعت على الشاشه باسم البنت. دخت زعلللللللت وصار فيلم هندي بدون ما اتكلم. لملمت اغراضي وكنت بحجز لنفسي واسافر عند اهلي بس زوجي دق على اخوي الكبير والاخر وقفني… احتراما له والله ولاني حبيت اثبت قد ايش انا احترم اخواني واخد بشورهم عوذت من الشيطان وجلست
رجعت المملكه ودخلت بيتي ولقيت انه ناقصته اشياء كثييييره، الحمامات ما رممها وانا عندي فوبيا من الحمامات، فيه غرف فاضيه ما اتاثثت الخ
ما علقت واكلتها في نفسي لانه مو من مستواي ابدا. لكن قلت احمدي ربك تقدري تختاري اللي تبغيه بنفسك وتتسلي فيه بدل لا تحسي بالفراغ لكن اكتشفت في ساعة صفا انه زوجي الديون مغرقته. كتمت صرخه في نفسي لاني كنت عارفه انه بستصعب الحياه مع حالته مو من لؤم والله بس لاني وانا بنت وعايشه عند اهلي كنت اشتغل في وظيفه مرمووووقه وراتبي 3 اضعاف راتب زوجي. ومع هذا يا بنات ضميته وقلتله ابشر بنحلها وصرت احاول معاه انه نحسب كل ريال نصرفه وحرمت نفسي من الطلعات وكل شي علشانه.. قلت يمكن هذا اللي مقصود بالحلوه والمره..
حاولت احب زوجي.. وصرت اقرا على النت قصص اسوا من وضعي علشان احبه.. حااااااولت فحبيته رغم:
- علاقتي الخاصه كانت بااااارده وما كان يجي الا كل كذا يوم
- بيتي الناقص اللي حتى مني مركبه فيه ستارة
- صعوبة الحياه بسبب ديونه
- رومانسيته صارت شبه معدومه، لا عمره دخل علي بهديه وما عندي مصروف، ولو زعلت ما يراضي ابدا مع انه هو الغلطان دااااااايما.
- كثرت مواقف البنات، يرمي كلام مدري كيف ولو زعلت يزعل هو اكثر ويقطع ولا يحاول يحتويني
- نوام نوام نوام نوام نوام نوااااااااااااااااااااااااااااام. يا يتكلم عن اصحابه ومغامراته يا ينام
انا حاليا احس نفسي تعيسه.. من انسانه بانجازات الحمدلله روعه وحياه اجتماعيه سعيده.. دايما مع صحباتها ومحاطه بعيله كبييييييييييييره، صرت وحيده في عالم غريب ومع زوج مو مقدرني ابدا ابدا ابدا ولا شاري سعادتي.. مو مراعي ظروفي ولا احتياجاتي.. ما يعرف معنى الاحتواء ولا التغاضي ولا الاعتذار.. احس نفسي رخيصه وصرت اشك فكوني استاهل السعاده.. ضحيت بكل شي بكل شي بكل شي عندي علشان هذا الانسان وبالمقابل حتى كلمة آسف.. حضن ينسيني زعلي.. حوار.. مااااااافي
قولولي بس، ليش ما اتطلق؟ انا ما عندي اطفال (علما اني اجهضت وما اهتم بي الا لمدة يومين).. رومانسيه مافي! العلاقه عندنا سخيفه! ديون ما تقل! احترام مافي! موده مافي! رحمه مافي! حب اشك انه في؟! اهل مافي! صحبات مافي! بالله اش مجلسني عنده؟
بيني وبين نفسي اقول.. مو مجلسني الا شغلتين.. اهلي ما ابى ازعلهم (و) احيانا اتذكر قد ايش كان حنووون ورومانسي في بداية زواجنا وكيف كان يبكي لما زعلني في شهر العسل.. واقول يمكن يرجع؟
صغيرة اخوانها @sghyr_akhoanha
عضوة جديدة
يلزم عليك تسجيل الدخول أولًا لكتابة تعليق.
Aom fares
•
الله يدبرامرك علئ اللي فيه الخير ^
كش ملـك
•
الله يعينك بس انتي لو معد عندك طاقه للعيشه هذي صدقيني راح ترجعين لاهلك ومستحيل ترجعين له بس انتي الان تفضلين تبقين كذا وماتتطلقين ربي يفرج همك ويسعدكم ويسخركم لبعض
خوذيه شنطه قولي مليت مافيه شي يخليني اجلس معك وخليك جاده بعد ماتكونين بيت اهلك ارسلي له رساله وشوفي ردت فعله وبعدها تشرطي ولاتستعجلين بالحمل هالسنه
والله ياحبيبتي عليك بالاستغفار وقيام الليل راح تشوفي العجبوالله ياحبيبتي عليك بالاستغفار وقيام الليل راح تشوفي العجب
الله يفرج همك وماااانصحك بالطلاق وماتدرين وين الخير لك واكيد لك خير معاه وقولي الحمدلله واستغفري
الصفحة الأخيرة