ما اقدر استمر

الله يسهل أمرك ويفرج همك

والله مدري انتي ادرى بمصلحتك واللي يصلح لك مع اني مااشوف اللي ذكرتيها عيوب تستحق
ممكن العيب منك لانك تنظري له بفوقيه وشايفه نفسك احسن منه ...

يابنت الحلال تزوجت زوجي وماكان يصفى له الا ٨٠٠ من راتبه وعشت وخلفت وجبت ولدي ٣ سنوات جت تريقه له وصار راتبه ٨ الاف وزان وضعنا شوي وشوي فتح له شغله بسيطه يطقطق عليها وماصدق ان هالشغله دخلت له فلوس. واجد وسافرنا بها كل مكان برا المملكه والان راتبه حلو ماشاءالله تبارك الله فالوحده لا تناظر باللي حولها وتكتفي بالحمد والشكر لله رب العالمين الله عطاك زوج وانخطبتي غيرك من البناات معنسات ويبون زول رجال فصبر الصبر ياقلبي مافي شي يجي ع طول شوفي محاسنه الثانيه اذ رجل وحنون ويعرف يداريك خلاص ذا المطلوب

والله حبيبتي شوفي مو شرط ان مستواه المادي والتعليمي اقل منك معناتو انه ما راح ينجح هذا الزواج لكن نظرتك بالشكل هذا هي اللي راح توتر العلاقه بينكم
الهدايا تقولي ما وصلت ٥٠٠حبيبتي كل واحد وامكانياته يعني يضغط على نفسه اكثر ويحمل نفسه ديون وهو وراه زواج وتكاليف راتبه يعتبر كويس نوعاً ما لو سويتو خطه للمشتريات بعدين وقسمتوا كل شي لكن لو تبغي الماركات طول الوقت ومطاعم وكوفيهات ما راح يكفيكم وانا اشوف اصلا انه مالي داعي كثرتها..


وكونه يحب يتكلم كثير معاك يمكن لانه يكون مبسوط معاكي يعني ترى مو لازم يجينا شخص بالملم نفس ما نبغى اذا طيب ومحترم يكفي
حبيبتي زوجي اقل مني بالمستوى التعليمي والمادي لكن مشكلته تكمن بشخصيته الصعبه كنت اظن انه بسبب الاختلاف بيننا لكن بعد اللي شفته وسمعته غيرت رأيي عرفت انها اطباع ..
والله العظيم ان خالتي بعدي تزوجت بشخص منصب ومعاه شهادات ماشاءالله لكن طبق الاصل من زوجي واخص حسيت زوجي رحمه عنده ..طلع عيونها الى ان خلعته انسان متغطرس لأبعد حد .. ماله دخل المستوى التعليمي بالحياه الزوجيه بالمقابل خالتي الثانيه ماسكه ادارة التوجيه والارشاد بمنطقتنا ودائما تاخذ شهادات تقدير من ادارة التعليم وزوجها معاه متوسط لكن ماشاءالله منسجمين وانسان واعي ومثقف ويدعمها كثير من كل النواحي صدقيني اهم شي يكون انسان ملم بالحياه واللي صاير فيها ويعطيك مساحتك الخاصه بكل شي وما يقصر معاك بحدود المعقول ..
الشي الوحيد اللي ممكن اقولك فكري فيه هو ان راتبه بالزمن هذا يكفي اذا كنتي وحده اقتصاديه وغير متطلبه مثلي يعني 🥲لان لو من النوع اللي تتطلبي راح تتعبي وتتعبيه معاك وتصير المشاكل🥲 اذا ما عندكم مشكله من الان قولي له لو حسيت ان الظروف بتصير صعبه ابغى اتوظف والله يوفقك

المشكله ان شخصيته اصلا ما تنفع مع شخصيتي وماحبيته ابد
حاولت 💔 بس ما قدرت
تعبت نفسيا
هو محترم لكن شخصيته ما عجبتني