ما قدرت اتأقلم مع هل زوجي . معدل

بختصار صاري خمس سنين متزوجه ولا قدرت اتأقلم حاولت وحاولت وحاولت لكن يابنات بدون فائده اشعر بغربه بوحده هم كلهم مع بعض الا انا وحدي في كل شي في اعياد في زواجات في عزائم ومناسبات حاولت اتداخل لكن للاسف الشديد ماقدرت معتبريني غريبه وفعلا انا غريبه اتوقعت شي وشفت العكس تمامإ حاسه بندم الوم في نفسي كثير يوم اشوف اخواتي مع بعض الا انا بعيده ..... يابنات الي مخليني استحمل شي واحد هو زوجي لكن ساعات اقول في وجه انا ندمانه اني اتزوجة من غير قبيلتي والله اقوله هاالكلام من حر مافي قلبي لاحظرو ملكتي ولا باركو لي في زواجي ولا باركولي في بيتي حتي مكالمات يكتفون بمجرد رساله من عيد لعيد والله يابنات اقوله هم اهلك كانو رافضين والا يبون يزوجونك احد من جماعتهم المشككله يوم جو يخطبوني والله ماني مصدقه شايليني شيل ولا محسسيني اني غريبه اللحين الله المستعان علي قدما حاولت وحاولت لكن مافيه فايده يوم اسئل زوجي يقول هم كذا انطوائيين يعني بس يحبون بعض يروحون ويجون مع بعض عجزت افهمهم اروح واجي من عندهم وانا جالسه وحدي تعبت تعبت الحين خلاص معاد ازورهم الا في الشهرين مره والله حتي زوجي يحزن على حالي يوم يشوفني لحالي ساعات اضغط علي نفسي واروح اقول واجب علي صلة رحم لكن الحين خلاص قلبي قسي كرهت الروحه عندهم احس بانكسار واهانه تصدقون اني افكر في المناسبات واشيل هم فين اجلس ومع مين اجلس يابنات يوم اسافر ديرتهم يخلوني لحالي مع ناس مااعرفهم اروح الحمامات الله يكرمكم واجلس ابكي تعبت معاد اقدر استحمل ساعات افكر انفصل عن زوجي عشان هاالسبب متخيلين كيف مأثر على اكثر موقف كسرني انو مره جات اخت زوج حماتي وعزمونا ورحت واول مره اقابل اخت زوجها م شاء الله حبوبه واندمجت معاها باالسواليف الله يحفضها يارب منجد عسوله المهم وجالسين نضحك الا تجي اخت زوجي معصبه وتطالع بوبنظرات ومتنرفزه مافهمت وش تقصد قلت يافلانه لااخت زوجي تعالي اجلسي معانا الا ترد معصبه لا شكرا يوم ردت كذا الا اقول في نفسي خليني بعد احسن سويت نفسي اني اكلم جوال اه يابنات والله تعبت الحين كل وحده متزوجه من غير قبيلتها مرتاحه متأقلمه يابنات صرت كل اسبوع اخلي عيالي يروحون مع ابوهم وانا لا لاني معاد اقدر اهين في نفسي اكثر