يا أنت ياللي تمسك الموت بيديك
ما هي رجولة مسكتك للسجاره
ذاك الزفير اللي يودعك بيجيك
في شهقة.ن تحمل معاها غباره
تولع الدخان حتى يطفيك
تضر نفسك و مجالسينك و أهليك
و يكفي على ( الباكيت ) تقرا عباره
تحذير صحي : المرض منه يأتيك
و كانك تريد الموت خذه بجداره
و يا بنت مسكتك المعسل تخليك
شينه و تبعدبك عن أرض الطهاره
و إن كان ربي حط بحشاك غاليك
مات و تسمم قبل يطلع لداره
و الله ما تلقى بن آدم (يواسيك)
لا صار ( للكنسر ) في صدرك إماره
لا تحسب علاج الاطبه يداويك
أقلع قبل لا تذوق طعم المراره
تشفط سجاره و المنادي يناديك
و في باب بيت الله تطفي السجاره
شيء.ن بنعلك تدعسه دوم .. وشفيك ؟!
سيجارة..}
يا آبن اللذين ذا دليل القذاره
و ما دام ما ترضى أحد يوم يأذيك
(لا تأذي) مصلي خشوعه شعاره
بسته ريال تبيع نفسك لشاريك
الهندي اللي كل همه تجاره
و لا شح عندك تسأل الناس تعطيك
تتوسله يأذيك .. هذي شطاره ؟!
من قال لك شرب السجاير يسليك
بيزيد همك هم و يقيد ناره
ما تدري إنه نار في الصدر تكويك
و كم شايب.ن في الناس تذهب وقاره
إما ردعك اللي يقوله محاكيك
أرجع (لنفسك) و أحسب الآمر تاره
و يا التاجر اللي منك ضاعت مباديك
ربحك من الدخان ذنب و خساره
يا أخي أمتثل للحق في أمر باريك
درب الهدى وش له تغير مساره..
أروع اربع @aroaa_arbaa
محررة برونزية
يلزم عليك تسجيل الدخول أولًا لكتابة تعليق.
أروع اربع
•
لا إله إلا الله
صح لسانك يسلموووووووووووعلى القصيده الحلوه وانتي الاحلىصح لسانك يسلموووووووووووعلى القصيده الحلوه وانتي الاحلى
صح بدنك .. بس ترى منقولهـ :hahaha:ومو أنا اللي كاتبتها:icon33:وأنتي ومرورك الحلوين:39:
الصفحة الأخيرة