مبتدئه بالطبخ وحابه اتعلم منكم ياحوائيات

انا من ناحيتي مثلا اذا احد يبي يجي يتعشى عندي وحبيت انوع اول شي احط اسما الاكل اللي ابي اسويه ثاني شي في اشيا تتسوى قبل بوقت زي السلاطااااااااات او المقبلات دون اضافت ملح لها يعني اسويها من اليوم اللي قبل طبعن الحلى بانواعه الكنافه اجهزه وادخلها بثلاجه واليوم الثاني قبل الناس مايجو ادخلها بالفرن طبعن **جهزي مقادير الطبق الرئسي قبله بيوم مثل البرياني او المندي** تقدري تفرزني صوص البيتزا @@انا والله في بعض الحيان اسوي مصقعه واحطها بالثلاجه فبل العزومه بيوم يعني لمل يجي العزيمه بس تتدخل الفرن وتتطلع كنه من وقته مسويته كمان المحاشي تجهزيها قبل بيوم يعني احفرهاواحشيها وادخلها الثلاجه واليوم الثاني اجهز الصوص واخليها تتطبخ%اما المعجنات في نفس اليوم عشان تتطلع لينه%والله في اشياء كثير عيوني قبل بيوم وبعلمك انا ماشيه على قبل بيوم واليوم الثاني انا مبسوووووووووطه مع الناس ###دعواتك يالغاليه

حبيبتي كلام مس يار صحيح انا عني اجهز الحلى من اليوم اللي قبل سوا كان حلى قهوة اوكان حلى عشا والفطائر سويها الظهر او العصر وغطيها اوحطيها بطوفرية ماتخرب وكمان عجينة العشر دقايق تخليك ماتخذين وقت في الفطائر يدوب حق النضج بس اللي ياخرك والعشاء جهزي اغراضه من قبل عشان ما تتعبين والسلطات كمان سويها وغطيها وحطيها في الثلاجة
ونصيحة حاولي تنظفي بيتك قبل بيوم يعني ما تنظفينة في نفس اليوم اللي يجونك الناس فيه عشان مايبان عليك انك مرهقه وكمان جهزي صحون الحلى وفناجين القهوة والشاي يبقى عليك بس تجهزين نفسك والعشاء وراح انزل لك حلويات حلوه وسريعة في نفس الوقت عشان لو تفاجاتي في جيت احد عندك ما تاخذ وقت منك

مدام توته - مس يارا -اسيره غرفتي

ياحبي لكم ولقلوبكم الله يجزاك خير ويعطيكم العافيه ويرزقكم اللي تتمنونه عاجلا غير آجل يارب

من جد خدمتوني


وننتظر المزيد منكم ياحوائيات لاخلى ولا عدم

باقولك نصيحة من كل قلبي وياليت اللي يقراها يستفيد
إذاكنت عارفه إن الضيوف بيوجونك قبلهابيومين سوي الأتي:
_تنظيف مجلس الرجال ومجلس الحريم
ثم الحمامات الله يكرمكم وتقفلين عشان الأطفال مايدخلون يخربون الترتيب
_تاخذين ورقتين وقلم الورقه الأولى تكتبين الأكلأت اللي بتسويهامثلانوعين حلاتختارينها
وفي الورقه الثانيه تكتبين ايش الأشياءاللي ناقصه عشان تجيبينها وزي كذا تكتبين جميع الأكلات والورقه الثانيه الأشياء اللي ناقصه عشان ماتتخلبطين
ثم أدخلي المطبخ وخذي أكبر صحن عندك أوأثنين وخذي كاسات الشاي وفناجيل القهوه و
كاسأت الماء وغسليهاونشفيهاوحطيهابالصحن خذي الملاعق وغسليهاوحطيهابالصحن وخذي الصحون اللي بتقدمين فيهاالحلاو الفطاير والاشياء اللي بتقدميهامع العشاء مثلامقبلات إيدامات حهزي صحونهاغسليهاونشفيهاوحطيهافي الصحن اللي قلناوخذي ابريق الشاي والدله وغسليهاو
ثلاجة قهوه وشاي للحريم وحطيهافي الصحن
واغسلي الصحون اللي بتقدمين فيهاالعشاء
كذاجهزتي الأشياء اللي بتستخدمينها
نبدابالطبخ بعدماتجيبين الأشياء اللي ناقصه
تبداءين بالحلا تسوينه وتغلفينه مظبوط وتحطينه بالثلاجه وإذاكنتي بتسوين فطايروإيدامات طلعي اللحم اوالدجاج وقطعيه زي مايناسبك وحطيه باكياس وحطيه باللفريزر
وافرمي بصل يكفي الأصناف وحطيه بحافظه
بالثلاجه ونفس الطريقه سوي بالطماطم والجزر والثوم والفلفل الأخضر
كل نوع لوحده وغطيه زين بالثلاجه
كذا تكونين وفرتي عليكي الوقت
ثم إذا خلصتي خذي دش وسمي بالرحمن ونامي لأنك بتكونين ميته من التعب وإذاقمتي في الصباح افطري وطلعي اللحمه خليهاتذوب على راحتها ثم اعجني العجينه وخليهاساعه تتخمر ابدئي بتجهيز الحشوات في خلال الساعه وسوي الفطائروإذاجهزت خذي منشفه نظيفه وغطي الصينيه زين وحطي فوقها سفره وحاولي تكون مغطاه زين
ثم بعد ماتسوين الغدا وتتغدين إذاكان ضيوفك بيجون العصر أذا فيه أشياء تحتاج قلي أقليهاوقطعي السلطه وحطيهافي الثلاجه
وعلا طول ابدئي بالقهوه جهزيها
وبخري البيت والبسي لأستقبال الضيوف
وطلعي اللحم اوالدجاج اللي بتسويه للعشاء وحطيه بحافظه كبيره أوقدر وغطيه عشان يذوب على راحته
وبعد ماتجلسين مع الضيوف أستأذنيهم وروحي جهزي العشاء بهدوء وترتيب
و****لله بالعافيه أتمنى أكون أفدتك
وصدقيني التوكل على الله وكثرة الأستغفار والنظام هم أسباب النجاح باذن الله

وأناراح انزل الموضوع بملف جديد عشان الكل يستفيد

أتمنى دعواتكم لي

كلامك اختي سعوديه عين العقل ماازود عليك شي انا بالنسبه لي احب اقطع كل شي للسلطه او للايدامات او الأطباق الرئيسيه
قبل بيوم لاكن بدون خلط كل شي لوحده ومحفوظ بعلبه مسكره كويس واجهز صوص السلاطات وكل واحد بعلبه يبقى بس الخلط
والحلا اكيد قبل بيوم سواء القهوه او العشاء واسوي صواني مثلا مكرونه او مصقع اجهزها الظهر كل شي بس يبقى التحمير اغلفها وادخلها الثلاجه ووقت العشاء بس احمرها واكون قبل بيوم او اكثر مجهزه سمبوسه وبف وكفتة بطاطس الفريزر يس يبقى القلي
وافضل اخلي شغاله تساعدني فيه ولو عندك حوش خليها تقليه بعيد مايبقى الا الطبق الرئيسي بس تحطين المقادير على بعض .