مب عارفه كيف كيف؟؟؟؟

كم وزنه ولدج؟؟

انا بعد ابي برنامج لاني حايسة حوسة واصلا ولدي يحب الحليب اكثر من الاكل :)

ولدك نفس عمر ولدي .... بقولك برنامجي

الفجر يقوم يرضع وأغير له البامبرز ويرجع ينام

الساعة 8 يقوم و أفطره سيريلاك وأغير البامبرز و أغسل وجهه ويدينه وأنظف أنفه وأذنه بأعواد القطن وأحط له كريم مرطب خفيف وأغير ملابسه وأحطه بالمشاية و أجمع له ألعابه

بعد الفطور بساعتين ونص أرضعه ويرجع ينام لحد الظهر

أقومه الظهر وأغير البامبرز و أغديه خضار مهروسه مع الدجاج وأحط له ألعاب عشان يستانس

بعد الغداء بثلاث ساعات يعني على العصر أسوي له رضعة وأغير له البامبرز يكونوا أخوانه صحوا من النوم عاد يقعدون يلعبونه لحد صلاة العشاء

بين المغرب والعشاء رضعة عصير طازج محضر بالبيت

بعد صلاة العشاء أعشيه رز مصري مهروس وأغير له البامبرز وألبسه البيجامه وأغسل وجهة ويدينه وأحط كريم مرطب ( فازلين) وأخليه يلعب مع أخوانه لحد ما يتعب وينام

لو كان مر على وجبة العشاء ثلاث ساعات ممكن أرضعه قبل ينام

لا تنسين الماء كل ماشربتي ماء لازم تشربينه وهذا كلام الدكتورة هنا بالمنتدى

بالنسبة للإستحمام في الشتاء كل أسبوع مرة

أجهز أغراضه كلها وأحممه الظهر عشان يرضع ويرتاح

تقريبا هذا برنامجي وعلمت الشغالة تمشي عليه بحكم دوامي

مشكوره الغاليه
والله يوفقج ويسعدج ويخليلج عيالج ان شاء الله ويفرحج فيهم

للرفع