متزوجه شاب بعقلية شايب

بسم الله الرحمن الرحيم
السلام عليكم ورحمة الله وبركاته
تبون الصراحه مادري من فين ابدأالكتابه احس اني بانطق ومالي غيركم بعدالله افضفض له :44:يمكن القى نصيحه منكن تنفعني العمر كله او كلمه تجبر بخاطري وتريح بالي
السالفه ومافيها اني متزوجه من شاب يقرب لي وتزوجنا عن حب طويل عريض بس بحدووووود وادب يعني كنا نخاف الله في كل تحركاتنا عشان الله يرضى علينا ويوفقنا في حياتنا وهو بصراحه عاقل ومحترم ماشاءالله عليه وطيب وحنون ويمكن اي وحده تتمناه زوج لها ونعرف طباع بعضنا من قبل الزواج وماشين تمام لكن كانوا دايم لما يحكوا له عني اويسمع عني اني عنيده ويايله مني واني فطينه وماامشيها بسهوله وكل اللي ابيه يتلبى لي بالطيب بالغصب يتلبى وكانوا دايم يلمحوا اني راح اعدل كل شي غلط فيه طبعا بمزح واحيانا جد ماكنت ادري انه بيجنى علي بهاالكلام المهم بعد الزواج عاااااااانيت كثييييييييير وكنت مانام الابعد مابكي الين احس روحي بتطلع من كثر الضيق اللي فيني هو يحبني لكن صار عنييييييييييييييييييييييييد معايه ولما اطلبه الشي يتعمد يرفضه خصوصا اذا كان قدام احد عشان يثبت لهم اني قدرت عليها ومو هي اللي بتمشي كلامها علي وانا كنت حاسه بهالشي وصرت ابين له انه انا خدامتك ومعاملتي لزوجي راح تكون غير عن باقي الناس راح اطيعه وبالفعل البي كل مطالبه واحسسه انه الكل بالكل لكن برضه احس انه بداخله نار ماطفت الين الحين وانا تقريبا لي سنتين متزوجه يعاندني دايما بصراحه من ناحية الصرفيه مايقصر وطلباتي يجيبها لكن يجرح يجرح ويوجعني يعني مثلا طلب السوق يحدد لي وقت محدد عجبني ماعجبني بكيفي غيووووووووور بشكل جنوني لدرجة احس تفكيره مثل الشياب ملني عارفه اوصفه دايم احاول امتص غضبه واتنازل عن اشياء كثيره عشان خاطر عيونه لكن مايراعي حتى يحاول يقلل مني عشان ماتعالى عليه بشي وانا والله عمري ما فكرت بهالشي واسكت مراعاه له والكل لاحظ علي الهم من اول زواجي وشايفين تصرفاته ومستغربين اني ساكته واللي قهرني وخلاني اتكلم واكتب انه امس كنا في رحله مع اهله وانبسطنا انا وامه ولما يتكلم معايه يبين انه الكلام كله موجه لامه مولي مع انه انا اسمع له واذا قلت له خلنا نتعشى وبعدين نروح السوق عشان نكون كلنا متجمعين راح وعاند وودانا السوق بالاول عشان يبين لاهله انه شديد علي امه زي العسل وابوه بعد وكل اهله وحتى هم يستغربون من تصرفاته المشكله دايم اذا عاند تطيح على راسه لكن مستحيل يعترف بالغلط واللي قاهرني ورفع ظغطي كانت معانا بنت اختي وصغيره وماتعشت زين تعرفون الصغار يناططون ويلعبون ويتركون العشاء ولما نزلت السوق طلبت يشتري لها شي ورفع صوته وقال لا مو لانه مايبي لكن شايف المسأله عرض عضلات قدام الاهل سكت وماتلكمت ورجعنا البيت وراح ينام وقبل مانام بغيت اكلمه لكن حصلته هلكااااان من الدوام وتعبان ويبي ينام ورحت وحطيت راسي عشان انانم لكن هذي المره غير مافي ضحك وتعليقات وفرفشه قبل النوم ابتسم قبل ماينام وقال ايش فيك تعبانه في شي يوجعك قلت لا بس ابي انام وهو عارف انه بداخلي شي عليه وهذي المره حالفه له مااعديها على خير واطلع كل اللي فيني وكل اللي سكت عنه بس انتظره يصحى ان شاءالله
اسفه زدتكم هموم على همومكم لكن الله وحده العالم باللي فيني قلت الا ماحصل صاحبات الخبره ينصحوني بشي يريحني لاني تعبببببببت بالحيل
تكفون ادعوالي ان ربي يهديه ويسخره لي واذا عندكم طريقه حلوه اتفاهم معاه فيها على تصرفاته لاتبخلون علي