متضايقة لاني خايفة اكون احسد الناس بدون قصد

السلام عليكم

اول شي يمكن تستغربون جراتي في الكتابة عن هالموضوع لكني متضايقة حييل :44: يعني لاحظت باكثر من موقف

ان مثلا لما وحدة عندها شي وتبالغ ف مدحه خصوصا او شي يلفت نظري اقول محظوظة ومع اني والله مااتمنى الشي يزول

منهم , اصلا شنو بخسر اذا زال هالشي واحيان اتمنى يكون عندي واقول اكثر الاحيان واغلب الاوقات على لساني ماشاء الله

تبارك الله واصلي ع النبي واحاول اذكر نفسي بان يمكن هم محرومين من اشياء انا عندي لكن حصلت بعض المواقف يعني

مثلا وحدة بالنت كله تمدح نفسها وانها وانها اقول بنفسي محظوظة شكلها واحيان اقول ياليتني مكانها الاقي بعد مدة البنت

تجي حزينة وكله ردود حزينة :09: او مثلا اقول فلانة شاطرة الاقي بعد مدة تقول ماسوت زين مع اني قبل ماكنت كذا

يعني لو اقول مني لبكرة ماكان يصير شي اما الحين اشوف بعد مدة تاثير واتوقع غالبا بسببي وحتى لدرجة احيان

احسد نفسي ! ايه لاتستغربون اذا فضيت ومااهتميت لناس اقعد اقول انا شاطرة وذكية قمت ارسب بعد فترة !

اول اقول انا مرتاحة هالايام تجي مشكلة تنكد علي , تخيلو حتى امي حسدتها كنت اشوف ناس امهاتهم وابائهم يمرضون

ويتنومون وقلت امي ماصادها مرض عويص الحمدلله مع ان اكيد موقصدي احسدها بس تحقق بعد فترة وصابتها جلطة

بعيد عنكم الشر ! :09: والحل يعني انا متضايقة هل احتمال يكون مس لاني عانيت من بعض اعراض المس والاحلام

ولا شنو ؟ اعطوني حلول بلييز لان فعلا متضاايقة من نفسي , الحسد شر عظيم واعرف كل اثاره وقريت ان مستحيل

الايمان يجتمع مع الحسد بقلب مع اني ابداا ماعمري تمنيت نعمة تزول عن احد بس نفس مااقول اذا فكرت فيها الاقي بعد

فترة تاثيرها اكيد كله من عند الله وقضاء وقدر لكن اتضايق لمجرد ان اكون فكرت فيها