متضايقه جدآ ومحتاجه نصايحكم

السلام عليكم
محتاجه نصايحكم ياامهات
عندي طفل عمره ٥ سنوات
عنيد جدا ولسانه طويل
لدرجة حتى يتفل ع اللي اكبر منه
انا تعبت جدا جدا معه
ماابغى امد يدي عليه قدام الناس بس انا وحده لاعصبت الطش فيه بدون احساس بعدين لاهديت اجلس ابكي من القهرررر
كلامي ابدا مايسمعه الاكل ماياكل ويتشرط
وصرت اكافئهم بالهدايا اللي يجلس عاقل ومؤدب ويساعد بالبيت بس مانفعت هالطريقه
الكلام الحلو يجيب نتيجه مؤقته فقط
من غير البراز الله يكرمكم دايما احصله بملابسه الداخليه وكان ماشي تمام بس له فتره يسويهاا
اعاااقب وازعل ولافيه فايده
حتى لما ابوه ياخذه لاهله يرجع يشتكي منه وكانه يلومني ع تربيتي له
الكلمه يردها بعشره اخوانه قبل مااتعبوني مثله
وش السبب انصحوني وجهوني انا احس اني ضايعه
وماعاد ادري كيف اتصرف معه الا بالضرب وماعاد ابغى اضرب كيف احد من عصبيتي
كرهني بالخرجه وباي مكان اروح له يكرهني فيه
ارجع البيت متضايقه ومخنوووقه 😭😭😭