متضايقه ونفسيتي زفت وخايفه على بنتي ....

السلام عليكم ورحمة الله وبركاته

والله يابنات انو حالتي النفسيه زي الزفت مالي غيركم أشكيله ومالي غيركم يوقف جنبي

يابنات مشكلتي اني حنونه زياده وأخاف مره على بناتي وعيالي
ماتتصورون الحاله اللي أنا فيها ومافيه معين يعيني أويساندني لازوج ولا أخوات كلو لاهي بنفسه
تصدقون مانمت الا ساعه ومتقطعه كمان
بنتي يابنات مصابه بنزله معويه حاده وصاير عندها اسهال مصاحبه دم وانتو بكرامه
ولما روحت للدكتور ووصفت له الحاله بعد ماأتاكد من نتيجة التحليل قال ماعندهاش حاجه
دي نزله معويه وان شاءالله تروح سالته كم يوم وتروح قال من أسبوع لـ 3 أسابيع
معقوله يابنات؟؟؟
بنتي عمرها 4 سنين وماكملت 4 سنين باقيلها 3 شهور وتكمل الاربعه
والمصيبه انها رافضه تروح المستشفى
راحت يوم الخميس وماقدرنا نسيطر عليها لا أنا ولا الدكتور ولا السستر
ووصف علاج بس على كلامي عن الاعراض واعطاني علبه لتحليل البراز
والبارح روحت عشان اشوف نتيجة التحليل من غير بنتي
انا عارفه انو كلامي ملخبط ومو مرتب بس من اللي فيا يابنات والله خايفه عليها مره
وماهي راضيه تروح المستشفى واذا وديتها ماحيقدرو يمسكوها
انا الآن مستمره على العلاج والله كريم ورحيم ويرحمها من اللي هيا فيه وقادر على انه يذهب البأس عنها أدعولها يابنات والله محتاجه دعواتكم يمكن ربنا يتقبل دعواتكم او يمكن دعوه من دعواتكم اللي تطلع من قلبكم تصادف ساعة استجابه وتشفى بنتي وما راح أنساكم بدعواتي لكم