متنكده مررره بسبب ......

السلام عليكم ورحمة الله وبركاته
بنات مررررره متضاايقه
تخيلو دحينا انا حامل فنص التامن ما شاء الله الله يتمم لي على خير ويجي طيب ومعافى و يتمم لكل وحده ويرزقنا بالذريه الصالحه يارب
المهم انا ساكنه مو فالسعوديه وبس نجي فالاجازه نجلس كم شهر انا عند اهلي وهوا عند اهلو والصراحه دا الشي مره مو عاجبني بيت اهلي دايما توتر وصراخ بس ما ابا ابين لزوجي دا الشي بالعكس بابين اني مبسوطه ومرتاحه
المشكله انو ان الله قريب ولادتي واكيد حيجو لامي ضيوف فالبيت وامس تقول انتي حتجيبيلنا الضيوف والبيت صغير ومدري ايه المشكله انو قبل ما ارجع كنت اسالها اولد فالمكان اللي ساكنه فيه ولا اجيكم قالتلي لا تعالي دوبي اللي جيت اخر رمضان و ما حسيت انها مره فرحانه هيا ولا ابويه ودايما ترميلي كلام انها شايله هم الضيوف و مدري اي طيب فين اروح ؟؟ و تتكلم على زوجي و ابويه محسسني انو زوجي راميني عندهم هوا طيب بس مرات كدا لازم يرمي كلام زي دحينا انو خلي زوجي يجي يوديكي و يجيبك وفي عندي اخوان كبار ما شاء الله و لا المباشرات اللي بعد ولادتي ان شاءالله تكون بفلوس زوجي .. زوجي الحمد لله ما حيقصر ما شاء الله
عيلتي ماشاء الله كتير وكلهم اولاد بس في بنت اصغر مني فالمتوسط وما حتعرف تسوي شي و في ولدين صغار كمان والعلاقه متوتره دايما
انقهر والله لما اشوف ماشاء الله الامهات مع بناتهم فالمستشفى يهدو بناتهم ويساعدوهم وامي بالعكس تجلس تخوفني بس ما اهتم احسها مو مهتمه ولا فرحانه انو بنتها حامل بس شايله هم الضيوف
مقهوره من نفسي اني كنت اقول لززوجي خليني اروح اولد عند امي .. جدتي اللي هيا ام امي كانت واقفه مع امي لين خامس ولاده والله افتكر و امي لسا انا اول حفيد لها مو فايقتلي ومو شايفه اهلي فرحانين .. كنت اتصل عليها وانا فالسابع اقلها باجهز اغراض النونو افرحها تقول مو لسا بدري
انا ما ابغى ولا شي دحينا غير انها ما توترني زياده على اني متوتره
امس مره انقهرت والله تجلس تصرخ و تقول البيت صغير و مافي مدري اي واخوانك قلتلها اناجيت هنا ارتاح مو عشان اتوتر ...
وعلى فكره زوجي حيشوف استراحه عشان نسوي حفله يعني مو كل الضيوف حيجو البيت بس القريبين بس برضو ما تبغى احد
امي من زمان كدا ما تحب الناس يجونا مع انها مرره اجتماعية و تتعذر باخواني ولا البيت مو عاجبها وما تبغى تستقبل فيه احد قلت دحينا يمكككن عير فرحانه اني حامل بس ما اتغير شي الحمد لله على كل حال بس
ش ه