متهاوشه مع زوجي ومتضايقه حيييييل ,,, ادخلوا هونوها على

السلام عليكم ورحمه الله وبركاته
بنات حبيباتي انا متضايقه حيل وماادري مين اشكي له ومالقيت غيركم اسمعوني للآخر والله العظيم هذي اول مره اشكي لاني مااحب الشكوى لغير الله ولااحب اطلع اسراري

راح ادخل في صميم الموضوع زوجي والله الحمد يحبني وفيه ميزات كثيره حلوه واولها انه يخاف الله ومحترم ولله الحمد وصار لى اربع سنين متزوجه ولاعمري شكيت فيه ولادخل الشك في قلبي وواثقه من حبه لى

بتقولون وين المشكله راح اقولكم اسلوبه وطبعه الغثيث اللى بيموتني زوجي مايدلعني وعنده الدلع بس بالبيت يعني
الدلع اته يحبني ويقولي كلام حلو بس لاهدايا ولا طلعات وحتى طلباتي مايلبيها
يعني الطلعات معاه على بالحسره مثل التمشي وطلعات المطاعم يادوب مره كل شهرين واهم شئ عنده ربعه
وجمعات البر وجمعات الديوانيات والعزايم وغيرهاااا المشكله ان حيااااااااااااااااااته كلها لعب بلعب وطلعات وكشتات مع ربعه ويومه كله يقضيه برااااااا ماراح يخسر اذا طلعني انا وعيالي يوم يالاسبوع

حتى المصروف دايما ماااااااااااااااعنده فلووووووووس انا اللى اصرف على عياله ويقول لى انا لو معاي فلوس مااقصر اهو دايما ماعنده فلوس يادوب يجيب اغراض الجمعيه وبس والا مبلغ بسيط بسيط يعطيني لملابس عيالي وانا ازيد هالمبلغ مرتين
حتى ملابس العيد مادفع الا شئ بسيط لعياله ولما جاء العيد لاعيديه لى ولاشئ يقول ماعندي خلص راتبي ويقول عطيني عيادي عيااااااااااك انا مفلس ؟؟؟؟؟؟؟ ياربي شنو هالدلع وين المسؤوليه


وعنده الطلعه بس للحاجه وبس,, يعني السوق مااروح له الا لما تتراكم الطلبات والنواقص علينا ذاك اللحين يوديني لا وبعد يوديني وقبل مااركب السياره يقول لي عسى بتخلصين بسرعه ؟؟ عسى اغراضك مو كثيره ؟؟ بسرعه خلصي ترى انا معزوم على عشا !!!! واول ماندخل السوق يقول تعبت خلصي !!! ومانطلع الا متهاوشن ومتزاعلين

لكن هالمره يابنات احنا متزاعلين زعله كبيره والسبب انه من اول ماتزوجنا عيد الفطر بس الصبح يقضيه عندنا والظهر يسافر يروح لامه وعيد الاضحى من قبله بيوم يقضيه عند امه عند بيتهم الثاني ويقول لي بتروحين معاي حياك الله هذى الساعه المباركه بس انا مااحب اروح لانه ملل حيل

بتقولون ليش وين امه ابقول لكم ان خالتي الله يهداها ماتسكن معانا لان ابو زوجي الله يرحمه كان شاري لها بيت قبل لايتوفى في هجره ثانيه بعييييييييييييده قريب من جماعتها واقاربها وبعد ماتوفى( قبل لااتزوج توفى)
صار معظم الايام تقضيها هناك و رشهر رمضان تجي عندنا عند بيتها وعند عيالها لكن قبل العيد بكم يوم ترجع للبيتها وتكون معاها صدقات وزكاة عشان توزعها على الفقراء في هذيك الهجره

وكنت اول زواجنا ازعل عليه بالعيد اقول له مشتهيه اطلع معاك بالعيد ودي احس انه عندي زوج مو معقوله من اول ايام العيد توديني لاهلي وماترجع الا آخر يوم باجازه العيد بالليل ؟؟؟
يعني ترجع لما يكون دوامي باجر ولولا دوامي كان مارجعت زهقت مليت كل خواتي يجون اول ايام العيد وينامون وثاني يوم يرجعون ويطلعون مع ازواجهم
كل اللي حواليني يطلعووووووووون الا انا اقعد بالبيت بروحي والله زهقت مليت ماصارت لا بعد يمنعني من الطلعه مع خواتي اذا تجمعوا في حديقه او منتزه هذا مو راحم ولامخلي رحمه الله تنزل
صحيح ان هذى امك وانا معاك انه لازم تروح لها وتعايد عليها وانا ودي اروح معاك لكن السفر متعب على عيالي لانهم صغار وانا ماصدقت انه اجازه العيد تجي ابي ارتاح لاني موظفه وشغلي متعب ابي ارتاح بالبيت ابي انام على راحتي وانا احب خالتي واحترمها حيل واعدها مثل امي حتى هي تحبني حيل وتحب عيالي وتسميني الغاليه مرت الغالي وتفرح فينا بما نجي لكن مااقدر اروح لبيتكم الثاني اللى عباره عن مصيف الا بعطله الصيف او عطله نصف السنه انا احاول اقنعه واقول له اجازه العيد طويله اقعد عند امك اول يومين واقعد عندنا اخر يومين او العكس المهم عطنا حقنا وعطها حقها احنا بعد عايلتك واهلك

والعيد هذا يابنات قال لى ماراح اسافر الا ثاني ايام العيد راح انام عندكم انا استانست وفرحت كثير كثير
قلت اكيد حس فيني وامس رحت الظهر عند اهلي و رجعت من بيت اهلي الساعه 10 هو اللى جابنا حطنا عند باب البيت ومشى ونطرته نطرته يجي ماجا!!!!
ودقيت عليه قال نامي ماراح اجي!! انا جالس بالدوانيه وعندي رجاجيل تخيلوا انه ماجاء البيت الا الساعه 5 الفجر ؟؟؟؟ بعد الصلاه جاء ونااااام وصحا من النوم الساعه 1 الظهر تغدا ورجع نام بعدين صحا الساعه 4 قال جهزي جنطتي ابسافر عند امي وانتي وعيالك اذا بتقعدون اقعدوا واذا ودك تروحين لاهلك جهزي اغراضك
يعمي شنو الفايده من جلسته عندنا هاليوم اللى ماطلعنا فيه ولانام عندناااااا؟؟؟؟


واليوم لما شافني معصبه قال انتي مو وجهه خير اتا قاعد عندك وانتي مومقدره
اليوم بنتي من الظهر وهي تبكي لان عيال حمواني وعيال حمواتي كلهم طالعين الالعاب من الظهر ولما صحى من النوم قلت له بنتك تبكي تبي الالعاب قال شدعوه بنتك تفهم ؟؟ بنتك صغيره وماتعرف شنو الالعاب

ولما وداني عند بيت اهلي ووقف عند باب اهلى قامت بنتي تبكي تقول (بيت خوالي لا بيت خوالي لا )قلت لها شنو تبين قالت (ابي العاااااااب )
بنتي تفهم عمرها سنتين ونص
ونزلنا من السياره واحنا نتهاوش اهو يقول انتي طماعه بنتك ماتعرف ولاتفهم انتي اللى تبين تطلعين
ياربي متى يتغير متى متى متى ؟؟؟؟؟؟

كل نهايه اسبوع يسافر لامه وكل اجازه يسااااااااااافر لها وكل عيد عليه بالعافيه الله يهنيه بمبره امه وهذا شئ ضروري ولازم بس يعبرني شوي يخلص اشغالي قبل لايروح على الاقل يجيب لى سايق يوديني ويودي عياله اذا هو موفاضي لنا يااااااربي متى متى متى زهقت ملييييييييييييييييييييييييييييييييييييت كل اللى حوالي يطلعون ويطلعون عياااااااالهم سواء من اهل زوجي او من اهلي الا انا وش هالتعقيدات
لا وتصورا فيه عيب كبير يمنع على منعا باتا الدخول اللى الانترنت مع العلم انه يثق فيني والله العظيم اني ماادخل الا على منتديات نسائيه ومواقع اسلاميه
وبيت اهلى فيه شبكه وايرلس ويمنعني من اخذ اللاب توب معي اذا رحت لاهلي لانه يدري اني راح ادخل عالانترنت حتى لو قلت له عندي شغل يقول خلصي شغلك بالبيت انا اللحين شابكه على النترنت من لابتوب اختي

لاحول ولاقوه الا بالله العلي العظيم
بنات ارجو اللى تدخل تدعو ان الله يطول بالي على زوجي ويهديه يارب العالمين
بنات حبيباتي اللى تدخل وعندها اللى يهون على تقوله ولاتبخل
واللى تبي تعلق وتشمت ارحوها لاتعلق لان اللى فيني كااااااااافيني
لاحول ولاقوه الا بالله العظيم
بنات اعذروني على الاطاله وموضوعي مو منظم لان الكلام يطلع تلقاااائي