متى اقدر اسافر مع رضيعي بالطائرة؟

السلام عليكم 

كيف حالكم خواتي؟  

انا ولدت من اسبوع و جبت توأم، الله يخليهم و يحفظهم، حملي كان عباره عن انحباس في غرفه اربع جدران في بيت اهل زوجي لمدة تسع شهور! و اهلي بعاد عني في بلده ثانيه و صار لي سنه ما شفتهم، امي جتني اسبوعين بعد الولاده، ما تقدر تقعد اكثر عشان الوالد تعبان و لازم ترجع و ماكله هم سفرتها من دحين، اثنين صغار احتاج مساعدة امي و خواتي و ناويه اسافر لهم و اقعد كم شهر عشان اتوازن جسديا و نفسيا و يكبروا الاولاد شوي و اتمكن منهم، بس لازم اسافر بالطائرة، الرحله مو طويله ساعه و نصف فقط، بس خايفه عليهم من الهبوط و الاقلاع، قرات انو وقت الهبوط و الاقلاع اغطي اذنهم ببطانيه و اعطيهم مصاصه او رضاعه عشان يحركوا فكهم و ما تضايق اذنهم من الضغط الجوي، و انا مستحيل اسافر فيهم دحين لساتهم صغار، بس سؤال لما يصير عمرهم كم اقدر اسافر فيهم؟