متى تتذوقين الجمال وتنطربين ومتى يكون ناقصك

السلام عليكم بنااااااااااات شخباركم

احب ادردش معكم شوي بموضوع حلوووووووووو ومتاكده بيعجبكم وبنستفيد من بعض

الموضوع هو متى تتذوقين الجمال ومتى تتاملين ومتى يكون ناقصك

ببتدي بنفسي
اتذوق الجمال واتامل بلحظة قومتي لصلاة الفجر وسماعي حق الاذان يالله راحه نفسيه عجبيه ولما اخلص صلاة وادعي واسبح

لما اروح للدوام واشوف الناس كيف رايحه لعملها تدور رزقها واشوف باصات المدارس ياحبي لهم الله يحفظهم
اتامل لما اجتمع مع اهلي وخواتي ونشرب قهوه مع تمر وريحة البخوووووووور

لما نطلع الكورنيش واشم ريحة الشوي والجو يكون حلوووو ووقف قدام البحر والله احس بنعمه عظيمه خصوصا وجود البحر عندنا

لما انظف البيت وعطره بيديتول وابخره
لما ارتب ملابسي واعطرها

لما افتح لي حساب توفير في البنك واحمد ربي على نعمه العظيمه
لما اشوف احد مريض واتذكر كيف ربي مدني بصحه يارب لك الحمد والشكر

وفيه رمضان طعم ثاااااااااااااني واجواء رمضان والعيد واللمه الله يبلغنا

والشي الي ناقصني الحين واتمنى انه يصيرلي عشان اترنم وانطرب هو اني انه ربي يرزقني بزوج الصالح والذريه الصالحه ويعوضني بعد طلاقي وجرعات المر ..... عشان اتذوق الجمال في كل شي

والحين دوركم :slider: