متى حسيتي انك من الطيبات

حسيت نفسي من الطيبات يوم قلت راحت الشرقيه .!!! اقلهاااا كان قلت تركياااا.وكن اختها تقول بقلبهااا ماتووو الي يروحوون الشرقيه

حنا للاسف مجتمع مكبوت يعني خلاص
للاسف جت فتره للمجتمع ماحد يتعدا الشرقيه وجده فجاه قبل تقريبا 15 سنه هالكلام
لاكن بالخمس سنوات الاخيره هاذي الكل انفلت واقل اقل شي
يروحون له الناس الحين دبي والكويت هاذي
عند الناس كانها الشرقيه وجده بس كذا طيب وين المشكله
خلاص عرفنا انك تسافري وانك واو فله ومتفتحه وشفتي بلاد برا
ماله داعي ابد ابد نظره الاستحقار للغير وانك انتي ماتسافري يعني ماتعرفين شي
قلت لك مجتمع مكبوت وانفلت فجاه وبعد ماطلعت كم مدينه اوربيه شافت نفسها
الليدي ديانا على غفله انا اتكلم عن بعض العينات اللي ذكرتها صاحبه الموضوع
وهي النظره الاستحقاريه للي ماتقدر تسافر برا يمكن وحده زوجها فقير حدها
الشرقيه وجده ومقتنعه فيهم بنت الحلال لاكن لما شافت هالناس واستحقارهم
انهم ماتروح ولا تسافر تكرهه حياتها وتكرهه زوجها
يمكن زوجها ضد السفر وياكثر اللي من هالنوع مايحبون السفر
وياكثر اللي بالمنتدى كم مره قالو حتى شهر عسل مارحنا وحدهم جده والشرقيه
لان بكل بساطه رجالهم يرفضون السفر سوا للبخل او هو من النوع
اللي مايبي يسافر برا والله ثم والله اني اعرف وحده تقول اتمنى اروح لو جده يومين
تزوجت وودها زوجها للشرقيه بعدها ماشافت السفر ولا تدري وشو والان لها تقريبا 5 سنوات حدها الرياض تقول عجزت عنه فلوس عنده ومشتري لهم فله اخر نوع
وجولات اخر الانواع معها
ولبس ومطاعم بالليل والنهار مع انها لاهي موظفه ولا شي بس نايمه بنت الحلال
مع ذالك يرفض السفر مو قصر بالفلوس ولا شي بس هو سبحان الله عقله يكرهه السفر
الزبده ماله داعي اشوف نفسي عشان رحت يومين لاوربا ولا جزر الواق واق>هه
مردي برجع للسعوديه لو اجلس سنه هناك برجع يعني برجع
انا الحمدلله وانا بنت ماتزوجت رحت وسافرت صح اني ماوصلت اوربا وجزر بس طلعت
ولاعمري شفت نفسي على اللي اقل مني واللي مايتعدون بيوتهم
لان كل انسان له اسبابه
تعليقي على ردك هذا لاني حسيت انك متحسسه من السالفه وهالكلمه
ياكثر ترا اللي من نوعها اذا سافرت وخرو عني ماحد قدي انا سافرت برا قصدها

مدري ليه طرت علي الشرقيه..الي يسمعني يقول مقطعتها .
كلامك ياليالي صح هذا الي ابي اوصله

مابعد هالرد رد ياصاحبه الموضوع
لاكن ازيد على كلام جواهر
القلوب زمان ويازين قلوب اهل زمان كانت نظيفه مافي حسد مافي حقد
الاقارب مثل الاهل والجيران مثل الاخوان
الحين الاقارب حسد ومنافسات بينهم وكل وحده تغار من سلفتها ومن بنت خالها وعمها
قبل بنات العم مثل الخوات الحين اصلا مايعرفون بعض للاسف يعني
الجيران قبل يدخلون بيوت بعض بدون موعد وخاصه الصبح مافي مواعيد قبل اسبوع زياره
وصادقه جواهر زمان كنا نسافر مع اهل ابوي واهل امي لدرجه سافرنا مع اهل
ابوي الى هاليوم اتذكر هالسفره لان كان طعمها غير مع انها كانت لجده ومكه واكتشفت ان السعاده والله ثم والله لو يقولون تعيدي السفره هذيك ولا تروحين لاحسن
دوله بقول اعيد هالسفره بالذات كان فيها ناس لي تحت التراب الان
كان سفرات زمان مع انها بسيطه ولا فيها صرف فيها كميه سعاده ووناسه مامرت علي
بالزمن هذا اكتشفت ان السعاده
لاهي بالفلوس ولا بالسفرات والله السعاده بالانفس اللي فقدناه احنا بهالوقت
الطيبه اللي راحت واندثرت مع الطيبين الحين مافي الا الانفس الشينه اللي ماتتحملك
ساعتين وزمان لما نسافر كانو ينامون جنبك سبحان اللي يغير ولا يتغير
زمان مافي فشخره بالتقديم والاواني والاشياء اللي ماعرفناها الا هالوقت
حتى اول تطورنا كان وش زينه بدايه النت والماسنجر كانت ايام جميله
ماعندنا غير المسن والمنتديات الحين يوه عدي واغلطي من البرامج

صح كلامك يا جواهر جبتي الزبده الواحد اهم شيء الرضا والقناعه وقد تكون هذه الي تسافر مش مرتاحه مع زوجها نفسيا او بينهم مشاكل فلذلك اذا انتي سعيده مع زوجك لا تنكدي خاطرك والسعاده برضا الله وذكره عمرها ماكانت بالخرجات والسفريات والشرقيه حلوة انا لو سافرتها افرح وارتاح نفسيا اهم شي الواحد يغير جو ويشوف اولاده مبسوطين ويكسر الروتين